Galat-na 4:4 - Bible azumeina

⁴ Wani kid’a yina ndaka, Alona mi sunï Gorom ma atchad’a ti vud’um ad’u gata hi Juif-fîd’a,

Galat-na 4:4 Referans Kwoze

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Romê-na 1:3

Zla d’a Djivi ndata ni yam Gorom ma a vud’um ad’u andjafâ hamulâ David-nina,

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Marik 1:15

Mi dala: Yina ndak wa, kayam Alona mi mba wa adigagi á te leu mamba yam andagad’a. Agi mbud’ugi hurugi yam tcho magid’a, agi hagi gagazid’a yam Zla d’a Djivid’a mi.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.

Efes-sâ 1:10

Ni nga hurâ hAlona ma mi ngam kurum á ndagam vunam ata yima dabid’a á tok ahlena pet suma sä akulona ki suma yam andagad’ina tu ad’u amul ma tuna, nala, Christ.

Wana ni Zla d’a Djivi d’a Luc mi b’irita 2:7

Ti vut gorot ma avo’â, ti d’ud’um ki barud’a, ti gum kur kup ma tena hi d’uwarîna, kayam yima burâ nga kazi kur gong nga akoid’a d’i.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Jeremi 31:22

Ndak gor wei d’a bei hum vuna ba d’a, ni mindja ba, ndak mba d’i ar tcha mak ka tatad’a woi ge? Kayam an Ma didina ni min nga vama awilina yam andagad’a, natchad’a ba, mba d’i hal mandjufâ.

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?

Zakari 6:12

Ang dum ala: Ma didin ma ad’engêm kal petna mi dala: Sana simiyêm ala Agu ma hud’ura mba mi hud’urï ata yamu, mba mi min gong nga kud’ora hi an Ma didinid’a akulo.

Isai 48:16

Agi hud’ugï gevenu, agi humugiya. Kad’u tinda dei an de nga zla d’a ngei gumun ndi. Kad’u tinda hahle ndazinid’a dei, an nga. Ki tchetchemba, Salad’a Ma didina mi sununï zlapa ki Muzuk mama.

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Romê-na 15:8

Kayam an nga ni dagi ala Christ mi mbut ma sunda hi Juif-fîna á ndak vun vun ma hle ma Alona mi hlum mi Abraham, mi Isak ki Jakob memetna á tak woi abu ala Alona ni Ma d’engzengâ,

Sunda hi suma a sunuzinid’a 1:7

Jesus mi hulong dazi ala: Nga ni kayam agi á wagi yina d’oze atchogoi d’a Abun mi ngat kur ad’eng mambid’a d’i.

Wana ni Zla d’a Djivi d’a Luc mi b’irita 1:31

Ndak mba d’i ve wirâ, ndak mba d’i vut gorâ, ndak mba d’i tinim simiyêm ala Jesus.

Matiye 3:15

Wani Jesus mi hulong dum ala: Ar ang lan ka tchetchem, kayam ei ndagei vun ahlena pet suma Alona mi minizina. Bugola, Jean mi mina.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

1 Jean 4:2

Lovot ta agi wagi ki Muzu’â hAlonina ba wana: Muzuk ma lara pî ma nga mi de woi ala: Jesus Christ mi mbut sana na, ni muzuk ma tcholï gen Alonina.

Hebre-na 9:10

Ahle ndazina ni yam ted’a ki tched’a ki mbus sa tetenga. Azi ni vun ma hed’a hi sumina hawa gak bur ma Alona mi mbut ahlena pet awilid’ina.

Kolos-sâ 2:14

Mi tchi b’ira hi gat ta vei ki zla d’a ti kak djangûna ki sed’eid’a woyo. Mi tchat tei ni ki b’al mam mba akulo ata agunid’a.

Romê-na 9:5

Abraham azi ki Isak ki Jakob nabuyozi ngolo. Nad’u andjavazi ba, Christ mi ndeï kua d’igi sana na. Mam nAlo ma te yam ahlena petna, ni ma ndak á gilem gak didina. Amin!

Jean 8:42

Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

Matiye 5:17

Jesus mi had’azi kua ala: Ar agi djib’eregi ala an mba ná b’lak gata hi Moise-sa ki hata hi suma djok vun Alonid’a woyo na d’i. An mba ná b’lagazi d’i, wani á ndagazi vunaziya.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Ndumba 28:22

Agi hagi mbekmberena vama ngat buzu ma zlup yam tchod’a á zlubugi yam tcho magid’a.

Romê-na 5:6

Ata yima ei nga kad’enga á le va d’uo tua na, Christ mi mit yam suma tchona ata yima Alona mi ngama.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

Wana ni Zla d’a Djivi d’a Luc mi b’irita 20:44

Le David ki yam nga mi yum ala Salana, ni nana ba Mesi mi mbut goroma ge?