Galat-na 4:27 - Bible azumeina

²⁷ D’igi mbaktumba hAlonid’a ti de na ala: Ndak ka b’al gendreged’a bei vutid’a, ndak le furîd’a; ndak ka ndak ka vuta ti lak nga yat tu d’uo d’a, ndak tchayîd’a; kayam ndak atcha d’a digik keid’a, ndak nga ki grotna kal atcha d’a nga ki mandjufîd’a.

Galat-na 4:27 Referans Kwoze

Sawal la giled’a 113:9

Mi hatcha d’a gendreged’a azì ma kaka, mi mbud’ut atcha d’a furîd’a aduk grotna. Agi gilegi Ma didina!

1 Samuel 2:5

Suma a hopma a nga hal sunda á fe te mazina, wani suma meid’a nga d’i tchazina va ndolozi nga ki sunda d’i, a nga tuk taziya. Atcha d’a gendreged’a nga d’i vut yat kid’iziya, wani d’a vut grona ablaud’id’a, ti ka bei vuta.

1 Timote 5:5

Atcha d’a modono d’a gagazi d’a nga kaka vata, nga d’i tin hurut ni yam Alona, nga d’i tchenem andjege ki faleya.

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

2 Samuel 13:20

Wiyetna Apsalom mi djobot ala: Wiye’â Amnon mi bur ki sed’ek su? Ki tchetchemba, wiyenda, ndak ba vunagu; mi ni wiye’â. Ndak ve zla ndata kuruk ngol li. Ni hina ba, Tamar kur zulo matna, ti ar kaka avo hi wiyetna Apsalom.

Galat-na 4:19

Grona, vut ta an vud’ugi kur ndakid’a, hulong nga d’i tan d’igi atchad’a ti vut gorâ na, gak Christ mi kak kurugiya.