Galat-na 4:14 - Bible azumeina

¹⁴ Tugud’ei d’a ata hliwinda ni vama kuka kagiya. Hina pî, agi golon nga is si, agi noyôn nga d’uo mi. Wani agi van atagi d’igi malaikana hAlonina na, d’igi Jesus Christ tamba na mi.

Galat-na 4:14 Referans Kwoze

Matiye 10:40

Jesus mi had’azi kua ala: Sama vagi atama, mi van ni anu; sama van atama, mi ve ni Ma sununïna mi.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

Hebre-na 13:2

Ar agi maragi yam akoi ma led’a d’i. Ata le d’a hina d’a, suma dingâ a ve malaikana atazi bei a wazi ala a ni malaikana ba.

2 Korente-na 5:20

Kayam ndata, ami mbud’umi suma sunda vrak balum Christ d’igi Alona tamba mi yagi yam wal mami d’a tchid’a na. Ami nga tchenegi ki simiyê Christ ala: Ar agi zlabagi darigïd’a kAlona.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

2 Samuel 19:27

Wani mi tchugun zlad’a kan an azong mangâ avorong ang salana amul mana. Wani ang salana, amul mana, angî d’igi malaikana hAlonina na. Ang le vama nde irang á led’ina.

2 Samuel 14:17

An wei manga ni de kurun ala zlad’a hi ang salana amul manid’a mba d’i b’lengên hurunu, kayam angî d’igi malaikana hAlonina na. Ang nga kaka go á hum zla d’a djivid’a ki zla d’a tchod’a mi. Ar Ma didina Alo mangâ mi kak ki sed’engû!

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.

Galat-na 4:13

Agi wagiya, ata yima an tchagi wal Zla d’a Djivid’a avo’â, an ni ki tugud’eid’a.

1 Korente-na 4:10

Ami mbud’umi ni suma lilid’a yam Christ, wani agi ni suma ned’a zlapa ki Christ! Ami ni suma amangeîna, wani agi ni suma ad’engâ! Suma a nga golomi is, wani a nga suburugiya!

1 Korente-na 1:28

Alona mi man vama suma duniyad’a a wum ala ni va d’uo na ki vama azi golom is ala ni va irazi d’uo na á b’lak vama suma a nga golom ala ni vana woyo.

Jean 13:20

Gagazi, an nga ni dagiya, sama ve sama an sunuma atama, mi van ni anu. Sama van an atama, mi ve nAbun ma mi sununïna atam mi.

Wana ni Zla d’a Djivi d’a Luc mi b’irita 10:16

Jesus mi de mi mam suma hata kua ala: Sama mi humugina, humun ni anu; sama noyôgina, mi noyôn ni an mi; sama mi noyôna, mi noî ni Ma sununïna.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Matiye 18:5

Nge nge pî ma ve gogorâ d’igi ma wana na atam yam simiyêna, mi van ni anu.

Ma tchi wala 9:16

An dala: Ned’a ti kal ad’enga, wani ned’a hi sama houd’id’a a golot is, a hum nga zla mamba d’uo mi.

Sawal la giled’a 119:141

Suma a nga golon ni d’igi vama hawana na, a golon is mi. Wani an nga ni mar yam gat manga d’i.

Wana ni mbaktumba hi Job-pa 12:5

Ni zla d’a hohoud’a yam ma a golom isâ! Wana ni djib’era hi suma a nga kaka ki halasina. Azi nga de zla ndata ni mi suma asezi mi ka azlard’eid’ina.

Galat-na 3:26

Ni kayam he gagazid’a ba, agi pet mbud’ugi Alona groma zlapa tu ki Jesus Christ.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Galat-na 4:15

Furî magi ndata ti nga ni lara ge? An nga ni dagi woi mbak, le ni vama nda’â ni, agi pad’agiya wa iragi handjiya wa kur bur máma.