Galat-na 4:12 - Bible azumeina

¹² B’oziyona, an nga ni tchenegiya, ar agi mbud’ugi d’igi an na, kayam an tan mbut d’igi agi na mi. Agi lan nga vama tcho yagi tu d’i.

Galat-na 4:12 Referans Kwoze

2 Korente-na 2:5

Le sana mi lan vama zal hurâ ni, mi zalan ni an hurun tu d’i, wani mi zalî hur suma hiuna adigagi mi. An b’irigi ná tinigi anek ka ngola kagi d’i.

1 Amuleina 22:4

Mi djop amulâ Josafat ala: Ang i dur ayîna ki sed’en á hleï azì ma Ramot ma Galät-na d’uo zu? Josafat mi dum ala: Ang ki an ei ni tu, sum mangâ ki sum mana ni tu, akulumei mangâ kakulumei mana ni tu mi.

Ad’u Tinda 34:15

Le agi min ala ei ndjagei vunei tu, agi mbud’ugi d’igi ami na ni, vama agi luma ba wana: Nala, mbeî agi ngad’agi sum magina bayâd’a pet.

Galat-na 6:14

Wani an nga ni subur tan yam vama ding ngi. An subur tan ni yam agu ma b’ala hi Salad’a Jesus Christ-sâ hol. Ni kayam agu mam ma b’ala ba, an mit tei ata duniyad’a, duniyad’a ti mit tei atan mi.

Galat-na 2:14

Wani ata yima an golozi a nga tit d’ingêr kur gagazid’a hi Zla d’a Djivid’a d’uo na, an de mi Pierre avunam mbei avok suma pet ala: Ang mala angî ma Juif-fâ na, ang nga tit d’igi andjaf suma dingâ na, ang nga tit d’igi Juif-fâ na d’i. Ni kayam me ba, ang nga le andjaf suma ding suma a he gagazid’ina kad’enga ala a tit d’igi Juif-fâ na ge?

2 Korente-na 6:13

Wani an nga ni dagi ni d’igi ni de mi grona na: Agi tinigi hurugi kami d’igi ami tinimi hurumi kagi na mi.

Sunda hi suma a sunuzinid’a 21:21

Azi hum zla manga ala ang nga hat Juif suma a nga kaka aduk andjaf suma dingâ ala a ar gata hi Moise-sa woyo, a ngat grozina bayâd’a d’uo, a ngom zlad’a hi simiyêzid’a d’uo mi.

Galat-na 6:18

B’oziyona, ar Saleina Jesus Christ mi vagi sumad’a. Amin!

2 Korente-na 6:11

Agi suma Korente-na, ami nga dagi woi mbak, ami tinimi hurumi kagi heî mi.

Galat-na 4:11

An nga ki mandarâ, dam sun nda an lat adigagid’a mba d’i mbut vama hawana kla.

Galat-na 4:13

Agi wagiya, ata yima an tchagi wal Zla d’a Djivid’a avo’â, an ni ki tugud’eid’a.