Galat-na 3:22 - Bible azumeina

²² Wani mbaktumba hAlonid’a ti dala suma kur duniyad’ina pet a nga ni kä ad’u ad’enga hi tchod’id’a. Hina wani, suma a he gagazid’ina a fe he d’a hawa d’a Alona mi hle vunam kata ni yam he gagazi mazi d’a yam Jesus Christ-sa.

Galat-na 3:22 Referans Kwoze

Romê-na 11:32

Kayam Alona mi tchuk suma pet kad’u bei hum vuna, kayam mi tagazi we hohou mamba pet mi.

Hebre-na 9:15

Kayam ndata, Christ ni Ma aduk suma kAlona yam vun ma djin ma awilinina, kayam suma Alona mi yazina a fahle suma djivi suma didin suma mi hlazi vunam kazina. Azi ndak á fazi yam matna hi Christ ma wurak kazi yam tchila d’a azi tchila yam vun ma djin ma avo’îna.

Galat-na 3:23

Avok ka bei he gagazid’a ti mba tua d’a, gata nga d’i ngomei djinda kä á djup he gagazid’a nde mat ta woid’a.

1 Jean 2:25

Wana ni vama Christ mi hle vunam kam á heizina: Nari d’a didinda.

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Jean 12:46

An ni b’o d’a mba kur duniyad’id’a, kayam sama lara pî ma he gagazid’a kana, mba mi kak kur nduvunda d’i.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

2 Pierre 3:13

Wani Alona mi hle vunam yam akulo d’a awilid’a kandaga d’a awilid’a ni yima d’ingêra mba d’i kak kuana. Wana ni vama ei nga djubizina.

2 Pierre 1:4

Kayam ndata, mi hei vun mam ma hle ma ngol ma guzum kal teglesâ, kayam agi vagi vama mam hlagi vunam kama, á prud’ugi tagi woi kur d’od’ok ka b’lak ka nga d’i te yam duniyad’id’a, á mbud’ugi d’igi mam na mi.

2 Timote 1:1

Ni an Paul ma a sunuma hi Jesus Christ-sâ kur minda hAlonid’a. Mi tinin á tchi wal zla d’a ari d’a Alona mi hle vunam kat mi ei suma zlabei tu ki Jesus Christ-sâ.

Galat-na 3:29

Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.

Romê-na 10:9

Le ang de woi ki vunang ala Jesus ni Salad’a, le ang he gagazid’a kurung ala Alona mi tcholom akulo aduk suma matna ni, ang mba fe suta.

Romê-na 5:12

Tchod’a ti mba kur duniyad’a ni yam sama tuna, nala, Adam. Tcho mamba ti mba ki matna, gak matna ndja abom mbei yam suma pet, kayam suma pet a le tchod’a.

Romê-na 3:23

Suma pet a le tchod’a, a kid’ak kei ata subura hAlonid’a mi.

Sunda hi suma a sunuzinid’a 16:31

Azi dum ala: Ang he gagazid’a mi Salad’a Jesus, ang mba fe suta ki suma avo hatangâ pet.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Galat-na 3:17

Wana ni vama an min duma. Vun ma djin ma Alona djinim avok deina, gat ta mbeï bugol bizad’a kikis fid’i yam dok hindi d’a, ndak á tchi vun ma djinda hAlonina woi d’i, ndak á mbut vun mam ma hled’a vama hawana d’uo mi.

Galat-na 3:14

Christ mi le hina kayam b’e vun ma Alona mi hle vunam mi Abraham kama, mi mba yam andjaf suma dingâ ni yam Jesus Christ. Kayam ndata, Alona mi hei Muzuk mam ma mi hle vunam kama ni yam he gagazi meid’a.

Marik 16:16

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.