Galat-na 2:21 - Bible azumeina

²¹ An nga ni mbut sumad’a hAlonid’a vama hawana d’i. Le sana mi mbut d’ingêr avok Alona ni yam sunda hi gat ta mi lata ni, matna hi Christ-sâ ni hawa.

Galat-na 2:21 Referans Kwoze

Romê-na 11:6

Mi manazi ni yam suma mamba, ni yam sun mazi d’a led’a d’uo. Le ni hina d’uo ni, sumad’a ni suma d’a gagazid’a d’uo d’a.

Galat-na 3:21

Na ni gata nga d’i kak djangûna ki vun ma hled’a hAlonina zu? Nga na d’i! Le gat ta Alona mi hat adjeud’a ndak á he arid’a mi suma ni, sana mi ndak á mbut d’ingêr avok Alona yam ngom mba mi ngom gata mi.

Hebre-na 7:11

Sun nda ngat buzuna d’a a hat mi suma hi Levi-nid’a, nad’u tinda hi gat ta Alona mi hat Israel-lîd’a. Wani ladjï sun mazi d’a ngat buzuna ti nda’î memed’u ni, ni kayam me ba, a hal ma ngat buzu ma ding ma d’igi Melkisedek na ba, nga d’igi Aron na d’uo ge?

1 Korente-na 15:14

Le Christ mi tchol nga akulo aduk suma matna d’uo ni, wal mami d’a tchid’a ni hawa, he gagazi magid’a ni hawa mi.

Galat-na 2:16

Wani ami wami ala sana nga mi mbut d’ingêr avok Alona yam sunda hi gat ta mi lata d’i, wani yam he gagazi mam mba yam Jesus Christ-sa. Kayam ndata, ami hami gagazid’a yam Jesus Christ, ami mbud’umi suma d’ingêrâ ni yam he gagazi d’a yam Christ-sa, ni yam sunda hi gat ta ami lata d’i. Kayam sana nga mi mbut d’ingêr avok Alona ni yam sunda hi gat ta mi lata d’i.

Romê-na 10:3

Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i.

Isai 49:4

Wani an dala: An kau tan ni hawa; ni hawa hina yak ba, an nga ni dap ad’engên ndeyo; doli wani zla manda nabo Ma didina, wurak manda nabo Alo mana mi.

1 Korente-na 15:2

Le agi nga siragi yam Zla d’a Djivi ndata ngingringû ni, agi mba fagi suta kad’u. Le agi vagizi ndinding nguo ni, he gagazi magid’a ni hawa.

Galat-na 2:18

Le an nga ni hulong min gat ta an b’lagat teid’a akulo ni, an tak kei gagazi ala an ni sama tchila yam gata.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Marik 7:9

Jesus mi dazi kua ala: Agi tchologi ad’enga ngingring yam hata hi simiyêgid’a. Agi aragi gata hAlonid’a woyo.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

1 Korente-na 15:17

Wani le Christ mi tchol nga akulo d’uo ni, he gagazi magid’a ni hawa yak, agi nga ni kur tcho magid’a tua mi.

Jeremi 8:8

Ma didina mi dala: Ni nana ba, agi ndak á dagi ala: Ami ni suma ned’a, ami ni suma gata hi Ma didinid’a nga abomina ata yima magi suma hat gat suma ka zlad’a a nga had’at ata lovod’ot tuo na ge?

Romê-na 4:25

Alona mi hum mbei á tchid’a yam tcho meid’a, wani mi tcholom akulo aduk suma matna á mbud’i suma d’ingêrâ avoromu.