Galat-na 1:7 - Bible azumeina

⁷ Gagazi, Zla d’a Djivi d’a ding nga d’i, wani an nga ni dagi hina kayam suma dingâ a nga b’lagagi djib’er magid’a, a min mbut Zla d’a Djivid’a hi Christ-sa yat kä.

Galat-na 1:7 Referans Kwoze

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

Galat-na 5:10

Yam Salad’a an tin hurun kagi ala agi nga ki djib’er ra ding ngi. Wani mam ma b’lagagi djib’er magid’ina, le ni nge pî, Alona mba mi kam sariyad’a kamu.

2 Korente-na 11:13

Kayam azi ni suma a sunuzi suma ka zlad’a, ni suma lop suma, azi mbut tazi d’igi azi ni suma a sunuzi suma hi Christ-sâ na.

Galat-na 5:12

An min ala suma a b’lagagi djib’er magid’ina, a ngat hud’uzi woyo!

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

Vama ndum mbeina 20:3

Malaikana mi gum kur zul la yiyika, mi dugum vunam ki lakled’a, mi kat geuna, kayam dragon máma dok mi vit andjaf suma woi d’uo d’a gak biza d’a dubud’a ndak tua. Bugola, a mba bud’um akulo á kak ndjö.

2 Jean 1:10

Sama mba gevegi ki hata hi Christ-sa d’uo na, ar agi vum avo hatagi d’i, agi gum depa d’uo mi.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.

Vama ndum mbeina 2:6

Vama ang lum ata yama ba wana: Ang noî sunda hi Nikolait-ta d’igi an noyôt na mi.

Vama ndum mbeina 2:2

An wahlena pet suma ang lazina, an we sun mang nga kaud’a. Ang nga ve tang ki suma tchona d’i, ang kuk wa suma a yi tazi ala azi ni suma a sunuzina na, wani azi ni suma a sunuzi d’uo na, ang vazi ad’uzi woi ala azi ni suma ka zlad’a.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

2 Jean 1:7

Suma ka zlad’a ablaud’a a b’rau wa woi kur duniyad’a; ni suma a nga de woi ala: Jesus Christ mi mbut nga sana d’uo na. Sama hina na ni ma ka zlad’a, ni ma djangûna hi Christ-sâ mi.

1 Jean 2:26

An b’irigi ahle ndazina ni yam suma a hal á vid’igi woina.

2 Timote 2:18

Azi ar zla d’a gagazid’a woyo, a nga dala tchola hi suma matnid’a kal wa da’, a nga mbut yam he gagazid’a hi suma dingîd’a kä.

Galat-na 6:17

Ki tchetchemba, ar sa kawan ndi, kayam an nga ki ahura hi Jesus-d’a atan á tak kei ala an ni magoma hi Jesus-na.

Galat-na 4:17

Suma a tchagi wal Zla d’a Djivi d’a dinga ndazina a nga halagi ki hat hurâ ngola, wani nga ni hat hur ma iratna d’i. Azi min á walagi woi ki sed’emi kayam agi hurugi hat kazi mi.

Galat-na 2:4

wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

Sunda hi suma a sunuzinid’a 20:30

Suma a mba tchol nadigagi á hat hat ta tchod’a á tan suma a he gagazid’ina ad’uziya.

Sunda hi suma a sunuzinid’a 13:10

Ang ma tcho ma mbut ira, ang Diable goroma, angî ma djangûna hahle suma djivina pet. Ni mindja ba, ang mba ar bei b’lak lovot ta d’ingêra hi Salad’id’a ge?

Matiye 24:24

Suma ka zlad’a a mba tchol a mba yi tazi ala azi ni Mesi, suma dingâ a dala azi ni suma djok vun Alona. A mba lahle suma simat suma nglona kahle suma ndandalâ, kayam le a ndaga ni, a mba lop vun suma Alona mi manazina mi.

Jeremi 23:26

Suma djok vun ndazina a mba kak ki djib’er ra djok vun ma ka zlad’a ki djok vun ma mbut ir ma kuruzi krovona hina gak mindja ge?

Jeremi 23:36

Wani agi mba yagi zla d’a aneka hi Ma didinid’a ala: Wana ni zla d’a aneka hi Ma didinid’a d’uo d’a. Zla d’a aneka hi Ma didinid’a mba d’i arî zlad’a hi nge nge pî ki yamu, kayam agi b’lagagi zlad’a hAlo ma bei matna Ma didin ma ad’engêm kal petna, Alo meinid’a woyo.

Galat-na 1:6

An le atchap kayamba agi walagi woi atogo zak ki mam ma yagi yam sumad’a hi Christ-sa á igi bugol Zla d’a Djivi d’a dingina.