Filip-ma 3:10 - Bible azumeina

¹⁰ Vama an minima ná we Christ á we ad’enga hi tchol mam mba akulo aduk suma matnid’a kur tit manda, á fe ndaka zlapa ki mamu, á ndjak ki mat mama,

Filip-ma 3:10 Referans Kwoze

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Romê-na 8:17

Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

1 Jean 2:3

Le ei nga gei yei kä ad’u vun ma hed’a hAlonina ni, ei wei ala ei wei Alona.

Kolos-sâ 3:1

Alona mi tchologi akulo á kak karid’a zlapa tu ki Christ. Kayam ndata, ar agi halagi nahle suma sä akulona, ata yima Christ mi nga kaka kua ata Alona bigam mba ndjufina.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

2 Korente-na 1:5

D’igi ami fami ndaka ngola zlapa ki Christ na, Alona nga mi b’lengêmi hurumi ngola yam Christ mi.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

2 Korente-na 13:4

Wani le a b’alam akulo ata aguna d’igi sama amangeîna na pî, mam nga karid’a yam ad’enga hAlonid’a. Hina mi, ami namangeîd’a zlapa tu ki mamu, wani ami mba kagami karid’a zlapa ki mam yam ad’enga hAlonid’a á ndjunugiya.

1 Jean 2:5

Wani sama nga mi ge yam kä ad’u zla mambina, ni sama nga mi le yam Alona ki o d’a gagazi d’a ndak memetina. Wana ni zla d’a ei wei ala ei nga zlapa tu kAlona.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Romê-na 8:29

Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Kolos-sâ 2:13

Adjeu agi ni suma bogi woi kur tcho magid’ina, agi nandjaf suma bei wAlona suma bei ngat bayâd’ina. Wani ki tchetchemba, Alona mi mbud’ugi suma arina zlapa tu ki Christ, hurum vat tei yam tcho meid’a mi.

Efes-sâ 4:13

á mbud’i kaka zlapa tu kur he gagazi meid’a á we Alona Goroma, á mbud’i suma djengâ ndak á we ndak ka memeta hi Christ-sina.

2 Korente-na 1:10

Mam ma sud’umi woi avun matnina, mba mi sud’umi woi kua. Ami tinimi hurumi kam ala mam mba mi sud’umi woi kua d’ei.

Jean 10:18

Sana nga kad’enga á tchan ndi, wani an tanda nga ni he tan ndei á matna. An nga kad’enga á he tan ndeyo, an nga kad’enga á tchol tan akulo mi. NAbun ba, mi han vun ma he máma.

Matiye 20:23

Mi dazi ala: Gagazi, agi mba tchagi kop mana, wani á kaka yam bigan nda ndjufa ki d’a gulad’a, ni an ba, mba he d’i, wani yi máma ni yam suma Abun mi minizizi kazina.

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Romê-na 8:36

D’igi mbaktumba hAlonid’a ti de na ala: Ni kayam ang ba, a nga tchami burâ ki burâ, a nga golomi d’igi tumiyô suma a izi ata yima ngatina na.

Galat-na 6:17

Ki tchetchemba, ar sa kawan ndi, kayam an nga ki ahura hi Jesus-d’a atan á tak kei ala an ni magoma hi Jesus-na.

2 Pierre 1:13

An djib’er ala ni vama djivina á zlid’igi á gagi humagi teteu kid’a an nga ki iran tua d’a.