Filip-ma 2:2 - Bible azumeina

² Le ni na ni, agi kagagi ki djib’er ra tud’a ki o d’a tud’a ki vun ma tuna mi. Hina wani, tan mba d’i lan djivi d’a ngola kagiya.

Filip-ma 2:2 Referans Kwoze

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

1 Korente-na 1:10

B’oziyona, an nga ni tchenegi ki simiyê Saleina Jesus Christ, ar agi kagagi ki vun ma tuna, ar wala ti kak adigagi d’i, ar agi kagagi zlapa tu ki djib’er ra tud’a ki zla d’a tud’a mi.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

3 Jean 1:4

Ata yima lara ma an hum ala grona a nga tit kur gagazid’a na, an nga ki furî d’a ding nga kal ndatid’a nga d’i.

Filip-ma 2:16

á tagazi zla d’a arid’a woi abua. Le agi nga lagi hina ni, an mba ni subur tan kagi kur bur ma mbad’a hi Christ-sâ, tala ring mana ki sun man nda kaud’a a ba atan nduo d’a.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

2 Jean 1:4

An nga ki furî d’a ngola heî kayam an fe grok suma ding suma a nga tit kur gagazid’a d’igi Abui mi hei vuna na na.

2 Tasaloni’â 2:13

B’oziyomi suma Salad’a mi le kagi heîna, ami nga lami mersi mAlona teteu kagiya. Agi ni suma Alona mi managi avok dei á fe suta yam ad’enga hi Muzuk mam ma mbud’ugi sum mama yam gagazi d’a agi hatina.

Kolos-sâ 2:5

Le an tan nga adigagi d’uo pî, an nga ni djib’er kagiya. An le furîd’a ata yima an wagi agi nga kak kä tchugot yam he gagazi magi d’a agi hat yam Christ-sina.

Filip-ma 4:2

An nga ni tchen Evodi ki Sintik, ar azi kak ki djib’er ra tud’a yam Salad’a.

Filip-ma 2:20

Kayam an nga ki sama ding ma mi djib’er kagi d’igi an na yam zla magid’ina nga d’i.

2 Korente-na 7:7

Ami lami furîd’a ni yam mba mamba hol li, wani yam zla d’a mi dami ala agi tagi b’lengêm hurumu d’a mi. Mi dami kua ala agi tagi nga had’agi hurugi ngola á golonu, agi nga yorogi tagi kan ngola, tagi nga d’i lagi zlezleû á ndjunun mi. Kayam ndata, an nga ni le furîd’a ngola mi.

2 Korente-na 2:3

Ni kayam ndata ba, an b’irigi ki mbaktum ndata, tala le an mbaza hatagi agi suma lan tan djivid’ina, ar an fe hur ma zala atagi d’uo d’a. Kayam an wala ata yima an nga ni le furîd’ina, agi nga lagi furîd’a pet mi.

Sunda hi suma a sunuzinid’a 5:12

Suma a sunuzina a lahle suma simata kahle suma atchapma ngola aduk suma. Suma he gagazid’a a nga toka tu ad’u azangâ hi Salomon-na.

Sunda hi suma a sunuzinid’a 1:14

Azi pet a nga toka, a nga tchen Alona ki hur ma tuna zlapa karopma ki Marie Jesus asum ki b’oziyoma mi.

Filip-ma 1:4

Kur tchen manda pet, an nga ni tchen Alona kagi ki furîd’a,

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

2 Timote 1:4

An nga ni djib’er yam tchi mangâ, tan nga d’i lan zlezleû á wangû, tala an mba ni le furîd’a ngola d’a.

Sunda hi suma a sunuzinid’a 2:1

Kid’a bur ma Pantekot-na ndaka, azi pet a nga toka ata yima tuna.

Filemon 1:20

Hina wiyena, ang ndjunun yam od’a hi Salad’id’a, ang b’lengên hurun yam Christ mi.

Sawal la giled’a 122:8

Yam b’oziyona azi ki buniyôna, an mba ni dala: Ar halasa kak kurugu!