Filip-ma 2:11 - Bible azumeina

¹¹ ar suma pet a dala: Jesus Christ ni Salad’a mi, yam subura hAbum Alonid’a.

Filip-ma 2:11 Referans Kwoze

1 Jean 4:15

Sama lara pî ma mi de woi ala: Jesus nAlona Goroma na, Alona mi nga kaka kurumu, mam mi nga kaka zlapa tu kAlona mi.

Romê-na 14:11

Kayam mbaktumba hAlonid’a ti dala: Ma didina mi dala: An ni Ma bei matna. Kayam ndata, suma pet a mba tchuk guguvazi kä avoronu, a mba de woi ala an nAlona mi.

Jean 13:13

Agi nga yan ala Ma hat suma, Salamina. Agi yan nata yad’u, kayam an ni mamu.

1 Jean 4:2

Lovot ta agi wagi ki Muzu’â hAlonina ba wana: Muzuk ma lara pî ma nga mi de woi ala: Jesus Christ mi mbut sana na, ni muzuk ma tcholï gen Alonina.

Romê-na 14:9

Kayam ndata, Christ mi mid’a, mi tchol akulo aduk suma matna karid’a á mbut Sala suma matna ki suma arina mi.

1 Korente-na 12:3

Kayam ndata, an min agi wagi woi tetet ala sama Muzu’â hAlona nga mi tagam lovotina, mi ndak á dala: Jesus ni sama a gum vunina d’i. Wani sama ndak á dala: Jesus ni Salad’a ma bei Muzuk ma bei tchod’a ba na mi tagam lovotina nga d’uo mi.

Jean 14:13

Le ni me pî ma agi mba tchenegizi ki simiyên abo Abuna, an mba lagiziya, kayam me an Goroma ni nde subura hAbunda woyo.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Korente-na 8:6

wani yam eya, Alona ni tu, nAbuya, ni Ma ahlena pet a tcholï atama; ei ni sum mama mi. Ei wei ala Salad’a ni tu mi, ni Jesus Christ, ni Ma ahlena pet a nga kama; ei nga karid’a ni yam mam mi.

Vama ndum mbeina 3:5

Suma kus ayînina a mba tchuk baru ma hapma hina mi, an mba ni tchazi simiyêzi woi kur mbaktum mba arid’a d’i, an mba ni de woi kazi avok Abun ki malaika mama ala azi ni mana.

Matiye 10:32

Jesus mi had’azi kua ala: Kayam ndata, sama lara ma mi dan zlan ndei avok sumina, an mba ni dum zlam mbei avok Abun ma sä akulona mi.

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

Sunda hi suma a sunuzinid’a 2:36

Kayam ndata, ar agi Israel-lâ pet agi wagi woi tetet ala ni Jesus ma agi b’alam akulo ata agunina ba, Alona mi mbud’um Salad’a ki Mesi mi.

Jean 9:22

Simiyêm a de hina ni kayamba azi nga le mandara Juif-fâ, kayam Juif-fâ a ndjak vunazi avok ala le sama de woi ala Jesus ni Mesi-yu na ni, a mba digim mbei kur gong mazi d’a toka.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

2 Jean 1:7

Suma ka zlad’a ablaud’a a b’rau wa woi kur duniyad’a; ni suma a nga de woi ala: Jesus Christ mi mbut nga sana d’uo na. Sama hina na ni ma ka zlad’a, ni ma djangûna hi Christ-sâ mi.

1 Korente-na 15:47

Adam ma avo’â, Alona mi lumî kandaga d’a gugud’upa, wani Adam ma mbàna mi tcholï nakulo.

Romê-na 15:9

kayam andjaf suma dingâ a subur Alona yam we hohou mamba mi. D’igi mbaktumba hAlonid’a ti de na ala: Kayam ndata, an mba ni suburung aduk andjaf suma dingâ, an mba ni gileng simiyêng ki sawala mi.

Jean 20:28

Toma mi hulong dum ala: Angî Salana, Alo mana.

Jean 17:1

Kid’a Jesus mi dahle ndazina dad’a, mi hle iram akulo, mi dala: Abunu, yina ndaga wa, ang suburunu, kayam an suburung mi.

Jean 12:42

Hina pî, suma ablaud’a aduk suma nglona a he gagazid’a kamu, wani a de nga woi pid’ak kuo kayam azi le ni mandara Fariziyêna tala azi digizi woi abu kur gong mazi d’a toka d’uo d’a.

Wana ni Zla d’a Djivi d’a Luc mi b’irita 2:11

Kayam a vud’ugiya wa Ma Suta ini kur azina hi David-na, ni Christ, Salad’a.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Sawal la giled’a 18:49

Ang sud’un ndei abo man suma djangûna, ang tinin á kus ayîna yam man suma djangûna, ang sud’un ndei abo sama murud’umba mi.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 13:14

Le an ni Salagina ni ma had’agina mi ba, ni mbuzugi asegiya ni, agi pî mbuzugi asem tagi na mi.