Filip-ma 1:8 - Bible azumeina

⁸ Alona mi wala an de ni zla d’a gagazid’a, an nga ni le kagi ki o d’a Jesus Christ mi lat kagid’a.

Filip-ma 1:8 Referans Kwoze

Filip-ma 4:1

Kayam ndata, b’oziyon suma od’a, an nga ni hat hurun ngola á wagiya, kayam agi ni furî manda ki subur manda. Buniyôn suma od’a, ar agi kagagi ngingring kur tit magid’a zlapa ki Salad’a.

Romê-na 1:9

Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi.

2 Timote 1:4

An nga ni djib’er yam tchi mangâ, tan nga d’i lan zlezleû á wangû, tala an mba ni le furîd’a ngola d’a.

1 Tasaloni’â 2:8

Kayam ami lami kagi heî ami minimi tami ná hagi Zla d’a Djivid’a hAlonid’a hol li, wani ná hagi tami mi. Agi mbud’ugi ni suma ami lami kagi heîna.

Romê-na 9:1

An sana hi Christ-sâ nga ni de zla d’a gagazid’a, bei ka zla d’a ba d’a. Djib’er man nda krovod’a nga d’i le glangâsâ kan yam ad’enga hi Muzuk ma bei tchod’a ba nid’a ala ni gagazi.

Filemon 1:12

An nga ni sunungzi sä, mam ma d’igi vunadigan nda gugota na na.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Kolos-sâ 2:1

Kayam an min agi wagi ayî ma ngol ma an nga ni durum kagi ki suma avo Lawodise-na ki suma a nga bei wan irana pet,

Galat-na 4:19

Grona, vut ta an vud’ugi kur ndakid’a, hulong nga d’i tan d’igi atchad’a ti vut gorâ na, gak Christ mi kak kurugiya.

Galat-na 1:20

Ki tchetchemba, vama an nga ni b’irigizi kur mbaktum mba wandina ni zla d’a gagazid’a avok Alona, an nga ni ka zla d’i.

2 Korente-na 7:15

Ata yima humam gum yam ge d’a agi gagi yagi kä avoromba, ata yima agi vum atagi ki mandarâ ki zlakina, hurum vagi ngola kala.

2 Korente-na 6:12

Ami tinimi hurumi kagi heî, wani agi tinigi nga hurugi kami d’i.

Wana ni Zla d’a Djivi d’a Luc mi b’irita 1:78

Alo meina nAlo ma we hohou mamba kal teglesâ, mba mi b’o yina kei ki b’o d’a akulod’a d’igi afata ti deî na,

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

1 Jean 3:17

Le sana nga kahle suma kur duniyad’ina abomu, le mi we wiyema nga kur kid’aka ba, mi duk iram mbei kamu ni, ni nana ba, mi dala mam nga mi le od’a yam Alona ge?

Filemon 1:20

Hina wiyena, ang ndjunun yam od’a hi Salad’id’a, ang b’lengên hurun yam Christ mi.

1 Tasaloni’â 2:5

Agi wagi ala ami dami nga zla d’a lop vun sa d’oze halami nga lem mba fe beged’a yami tu d’i. Alona ni ma glangâs mamina.

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

Filip-ma 2:26

Kayam tam nga d’i lum zlezleû á wagi pet. Wani mi nga mi hat hurum ngola, kayam agi humugi ala tugud’eid’a lumu.

Filip-ma 2:1

He gagazi magi d’a yam Christ-sa mbud’ugi ad’enga zu? O mamba b’lengêgi hurugi zu? Agi nga lagi darigïd’a ki Muzu’â hAlonina zu? Agi nga wagi hohou tagi ki hat hurâ mi zu?

2 Korente-na 13:9

Le ami namangeîd’a, le agi nga kad’enga ni, ami nga lami furîd’a kayam ndata. Ami nga tchenemi Alona kagi ala agi ndagagi memet.

Wana ni mbaktumba hi Job-pa 16:19

Ki tchetchemba, an nga ki ma glangâsâ sä kur akulod’a, gagazi, sama le glangâsâ kana sä nakulo.

Galat-na 3:26

Ni kayam he gagazid’a ba, agi pet mbud’ugi Alona groma zlapa tu ki Jesus Christ.