Filip-ma 1:20 - Bible azumeina

²⁰ Kayam an nga ni djuba, an tin hurun ala an mba ni mbut zulona yam va tu d’i. Wani bei mandarâ ba, ki tchetchemba, d’igi an nga ni le teteu na, le an nga ki iran ndoze le an mit pî, ar suma a subur Christ kanu.

Filip-ma 1:20 Referans Kwoze

1 Pierre 4:16

Wani le sana nga mi fe ndaka kayamba mam mi kretiyêna ni, ar mi le zulona d’i, wani mi le ni mersi mAlona ki simiyê Christ.

1 Korente-na 6:20

Alona mi guzugi ni ki gus sa kal teglesa. Kayam ndata, ar agi suburugi Alona ki hliu tagiya.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

1 Tasaloni’â 5:23

Ar Alo ma b’leng nga halasa mi tinigi iragi vagi mi mam tamba memet. Mi ngomogi muzugagi ki tagi ki hliwigi pet bei zlad’a kagi ba fat ta mbad’a hi Saleina Jesus Christ-sa.

1 Jean 2:28

Grona, ki tchetchemba, agi kagagi zlapa tu ki Christ, kayam fata mam nde woid’a, ei mba kagei bei mandarâ ba. Kur bur ma mba mambina, zulona mba mi lei avorom mbuo mi.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Romê-na 8:19

Kayam ahle suma pet suma Alona mi lazina a nga hat huruzi á djup bur ma Alona mba mi tak groma woina.

2 Korente-na 10:8

Le an nga ni subur tan kal yam ad’eng nga Saleina mi hamizi á wulugi akulo á b’lagagi woi d’uo d’a pî, zulona nga mi lan ndi.

2 Korente-na 4:10

Ami nga zimi matna hi Jesus-na kami teteu, kayam ami tagami ari mamba woi abua.

1 Korente-na 7:34

Atchad’a ki gor weid’a ni teteng. Gor weid’a ti djib’erî yam ahlena hi Salad’ina, kayam ti kak yed’et ki tat pet. Wani atcha d’a ti ve ndjufîd’a, ti djib’erî yam ahle suma kur duniyad’ina á le ndjuvut tam djivid’a mi.

Isai 50:7

Salad’a Ma didina mi ndjunun wa. Kayam ndata, an mang nga woi d’i, an so iran ndei ngrazang, kayam an wala an mba ni mbut zulona d’i.

Sawal la giled’a 119:116

Ang ndjunun yam vun mang ma hled’a, kayam an kak ki iranu. Ar an mbut zulona yam hur man ma tinda d’i.

Romê-na 5:5

Hur mei ma tinda ni lop ira d’i, kayam Alona mi vo o mamba kuri ngola ni yam Muzuk mam ma bei tchod’a ba ma mi heizina.

Isai 45:17

Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Filip-ma 1:14

Ni yam dangei mana ba, b’oziyoina ablaud’a a deng tazi ata Salad’a, a fad’enga á tchi wal Zlad’a hAlonid’a avogovok bei mandarâ ba mi.

2 Korente-na 7:14

Le an nga ni subur tan kagi avoromu ni, zulona nga mi lan ndi. Ahlena pet suma ami nga dagizina ni gagazid’a. Hina, subur ta mami d’a kagi avok Tit-ta ni gagazi mi.

2 Korente-na 5:15

Mi mit ni yam suma pet, kayam suma a nga kaka karid’ina a nga kaka karid’a ni yam tazi d’i, wani ni yam mam ma mi mit mi tchol akulo kazina.

1 Korente-na 15:31

B’oziyona, an nga avun matna burâ ki burâ. Wana ni subur manda kagiya, kayam tit mei d’a zlapa ki Christ Jesus Salad’id’a.

Romê-na 9:33

d’igi a b’ir kur mbaktumba hAlonid’a na ala: Gola! An nga ni tin ahina d’a dap asema kur Siyon, nahina d’a ti puguzi kä d’a mi. Wani sama he gagazid’a katna, zulona mba mi lum mbi.

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Jean 21:19

Mi de hina ná tak matna hi Pierre ma mba mi subur Alonina. Bugol la mi de hina dad’a, mi dum ala: Ang tid’ï ad’unu.

Zla d’a d’ogolâ 23:18

Wani burâ nga mi mba, hur mang ma tinda mba mi dap pei hawa d’i.

Zla d’a d’ogolâ 10:28

Hur ma tinda hi suma d’ingêrîna ni furîd’a, wani hur ma tinda hi suma asa’atnina mba mi dap pei hawa.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

Sawal la giled’a 62:5

Agi ndjagagi vunagi ná zud’um kä kur ngol mamba, tagi nga d’i lagi djivid’a ni yam zla d’a kad’a, agi b’agi vunagi yam suma ni ki vunagiya, wani kurugi krovo agi nga yagi nahlena kaziya. Tchol ndjö

Sawal la giled’a 25:2

Alo mana, an deng tan natangû, ar an mbut zulona d’i, ar man suma djangûna a le furîd’a kan nduo mi.

Sunda hi suma a sunuzinid’a 4:31

Kid’a azi tchen Alonid’a, yima azi nga tok kuana mi yir gigidji, azi pet a oî ki Muzuk ma bei tchod’a ba na, a nga de zlad’a hAlonid’a ki hur ma ade’esâ.

2 Korente-na 3:12

Kayam ndata, ami nga ki hur ma tinda, ami nga dami zlad’a bei mandarâ ba mi.

2 Korente-na 7:4

An tin hurun kagiya, an nga ni subur tan kagi mi. An hurun b’leng ngola. Kur ndak mamid’a pet, an nga ni le furîd’a ngola mi.