Filemon 1:16 - Bible azumeina

¹⁶ Wani ni d’igi magoma na d’i, wani mi kal magoma, ni wiyei ma ei lei kam heî yam Christ-sâ. An le kam heî, wani ang mba le kam kala, ni magoma mi na, wani ni wiyengâ yam Salad’a.

Filemon 1:16 Referans Kwoze

Kolos-sâ 3:22

Agi magumeina, agi humugi zlad’a hi suliyogi suma yam andagad’a ka hina kur ahlena pet. Agi lagi ni ir suma á lazi tazi djivid’a go d’i, wani agi lagi ni ki hurugi pet yam mandarâ hi Salad’ina.

Matiye 23:8

Wani agiya, ar a yagi ala Suma hat suma d’i, kayam Ma hata ni tu, agi pet ni b’oziyo tagiya.

1 Timote 6:2

Magumei suma suliyozina a he gagazid’ina, a golozi is ala azi ni b’oziyozina d’i. Wani a le ni sun nda djivi d’a kala, kayam suma a nga fe djivid’a kur sun mazid’ina, ni suma a he gagazid’a yam Alonina, ni suma a le kazina mi. Wana nahle suma ang had’azi kazina, ang tchazi wala kazi mi:

1 Korente-na 7:22

Kayam magom ma Salad’a mi yuma ni gor vuta hi Salad’ina. Hina mi, gor vut ma Salad’a mi yuma ni magoma hi Christ-sâ.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Sunda hi suma a sunuzinid’a 9:17

Ata yi máma, Ananiyas mi iya. Mi kal avo, mi tin abom kamu, mi dum ala: Wiyena Saul, Salad’a Jesus ma nde tam mbei irang kur lovot ta ang mba ki d’ina, mi sununï ni mamu, kayam irang mal leyo, ang oî ki Muzuk ma bei tchod’a ba na mi.

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.