Ezekiyel 9:10 - Bible azumeina

¹⁰ An mi, an mba ni we sa hohowom mbi, an mba ni djib’er yam sa d’uo mi, wani an mba ni hulongôzi tcho mazid’a kaziya.

Ezekiyel 9:10 Referans Kwoze

Ezekiyel 7:4

An mba ni tin iran kagi bei ni wagi hohowogiya, an mba ni ngobogi bei ni wagi hohowogiya, an mba ni wuragagi yam tit magid’a ki sun magi d’a ndjendje d’a agi sogi tagi kurut á led’id’a. Hina wani, agi mba wagi ala an ni Ma didina.

Ezekiyel 11:21

Wani suma huruzi ve sun mazi d’a tchod’a ki sun mazi d’a ndjendje d’a lara ge petna, an mba ni hulongôzi sun mazi d’a tcho ndata kaziya. An Salad’a Ma didina ni de na.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Isai 65:6

Gola! Ahle ndazina a nga b’ira kä avoronu. An mba ni kak mudjuk ki. An mba ni min zla mazid’a, an mba ni wuragazi ndak yam sun mazid’a memet.

Wana ni mbaktumba hi Oze-d’a 9:7

Bur ma Ma didina mba mi mba á ngobogina nga mi djïya. Gagazi, bur ma hlatchugula nga mi djïya. Agi Israel-lâ, agi mba wagiziya. Agi nga dagi ala: Ma djok vun Alona mi ni lilid’a, sama Muzu’â nga mi zud’uma ni sama yam nga d’uo na. Tcho magi d’a bei dap ndumba ki murud’um magid’a a kal ngola heî.

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Hebre-na 10:30

Kayam ei wei mam ma dala: Atchugul la sad’a ni manda; ni an ba, mba ni sad’u na. Mi de kua ala: An Ma didina mba ni ka sariyad’a yam sum mana.

Joel 3:4

Agi suma Tir-râ ki suma Sidon-na pet, agi suma nga yam andaga d’a Filistê-d’ina, vama ndologi ki an ni me ge? Agi hal á hlagi atchugulugi ki sed’en ndju? Le agi hal á hlagi atchugulugi ki sed’enu ni, an mba ni hulong hlatchugul ndata ki sed’egi atogo zak!

Ezekiyel 22:31

Kayam ndata, an mba ni zal hurun kaziya, an mba ni dabazi woi kayî man ma aku ma bibiliuna, an mba ni hulongôzi sun mazid’a kaziya. Ni an Salad’a Ma didina ba, ni de na.

Ezekiyel 9:5

Mi de mi suma a ar wana kä iran ala: Agi igi blogom kur azì ma ngolâ, agi tchagi suma woyo. Agi wagi hohowa sa d’i, agi djib’eregi yam sa d’uo mi!

2 Sunda Hamuleinid’a 6:23

ang Ma didin ma sä akulona, ang huma, ang ka sariyad’a yam sama tchona yam tcho mam mba mi lata, ang ar sama d’ingêrâ mi wala mam mi sama bei zlad’a kam ba na mi.

Gat ta a hat á mbàd’id’a 32:41

An nga ni gur mbigeu man nda fiyaka, ni ligid’et siyat mi ngal wiwilik. An hlabon akulo á ka sariyad’a, an mba ni hlatchugulun ki man suma djangûna, an mba ni wurak suma a noyôna mi.

Isai 13:18

Azi mba tchi gro azungeîna woi ki yeû mazid’a, a mba we hohowa grozi suma kuruzina d’i, hohowa gogor nga mi lazi d’i.

Hor ma tchina 1:5

Suma a lat murud’umbina a kal kad’u, mat suma djangûna a nga kaka tchugot, kayam Ma didina mi mbud’ut hohoud’a yam tcho mat ta zul heîd’a. Grotna a nga i magomba avok mat suma djangûna.

Ezekiyel 9:11

Ata yi máma sama mi tchuk baru d’a hap pa luluîd’a atam ma mi nga ki vama b’ir ahlena yam dik mamina, mi hulong ki zla d’a ded’a ala: An le wa vama ang han vuna kama da’.

Ezekiyel 23:49

An mba hulongôzi tcho mazid’a kaziya. Azi mba zi tchod’a hi filei mazi ma tuwalid’a. Hina wani, agi mba wagi ala an ni Salad’a Ma didina.

Ezekiyel 24:14

An Ma didina le ni de va, va máma mba mi mba. An mba ni lumu, an mba ni hulong bugol li, an mba ni wak hohowok koze ni mbut hurun ndi. A mba kak sariyad’a kak yam tit maka, yam sun mak ka led’a mi. An Salad’a Ma didina ni de na.

1 Amuleina 8:32

ang Ma didin ma sä akulona, ang huma, ang ka sariyad’a yam sama tchona yam tcho mam mba mi lata, ang ar sama d’ingêrâ mi wala mam mi sama bei zlad’a kam ba na mi.

Ezekiyel 7:3

Ki tchetchemba, dabid’a mba wa kagiya. An mba ni mba atagi kayî mana, an mba ni kagi sariyad’a kagi yam tit magid’a, an mba ni wuragagi yam sun magi d’a ndjendjed’a mi.

Ezekiyel 16:43

Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?

Ezekiyel 17:19

Ni kayam ndata ba, Salad’a Ma didina mi dala: An ni Ma bei matna. Ni gun ta d’a ki simiyênda ba, mi golot is. Ni vun man ma djinda ba, mi bud’um mbei mi. An mba ni hulongôm zla ndata kamu.

Ezekiyel 43:3

Vama mi nde tam mbei iran máma mi ni d’igi vama mi nde tam mbei iran adjeu ata yima Alona mi mba á b’lak Jerusalem-ma na, mi ni d’igi vama mi nde tam mbei kid’a an nga avun alum ma Kebar-rîd’a na mi. An grif kä avoromu.

Zakari 11:6

An Ma didina nga ni dagiya: An mba ni we hohowa suma a nga kaka yam ambasina d’uo d’a, an nga ni he nge nge pî abo ndrama, abo amul mazina, a mba b’lak ambasa woi kakazeî, an mba ni prud’uzi woi abozi d’i.