Ezekiyel 6:2 - Bible azumeina

² Ang gor sana, ang mbut irang yam ahuniyô suma Israel-lâ, ang djogozi vuna,

Ezekiyel 6:2 Referans Kwoze

Ezekiyel 19:9

A tanam ki kawei ma vunam gundina, a gum kur kes ma kaweina, a im mamul ma Babilon-na, a im kur gong nga dangei d’a ad’eng nga ngungud’a, kayambala a humum delem tchina yam ahuniyô suma Israel-lâ d’uo d’angû d’a.

Ezekiyel 37:22

An mba ni mbud’uzi andjaf ma tuna yam andaga mazid’a yam ahuniyô suma Israel-lâ, amul ma mba mi te kazina ni tu. Azi mba kak andjafâ mbà d’uo d’a, azi mba wal leud’a kä mbà d’uo mi.

Ezekiyel 36:1

Ma didina mi dan kua ala: Ang gor sana, ang djok vuna mahuniyô suma Israel-lâ ala: Agi humugi zlad’a hi Ma didinid’a.

Ezekiyel 35:12

Ndak mba d’i wala an Ma didina ni hum wa ngul la ndak ngul ahuniyô suma Israel-lâ ala a mbut wa hohoud’a, a mbut wa va mei ma ved’a d’a.

Ezekiyel 34:14

An mba ni polozi ata yima hat ma djivina, kangâ mazina mba mi ka’î akulo yam ahuniyô suma fuyogei suma yam ambas sa Israel-lina. Ata yi máma azi mba tuk tazi kur kangâ ma djivina, azi mba te hat ma gogot ma yam ahuniyô suma Israel-lîna mi.

Ezekiyel 33:28

An mba ni b’lak ambasa woyo, an mba ni mbud’ut hur fulâ. Ad’eng mat ta sum matna a subur tazi kata, mba d’i dap peyo. Ahinad’a hi Israel-lîd’a mba d’i arî djona, sa mba mi kal kua d’uo d’a.

Ezekiyel 25:2

Ang gor sana, ang mbut irang yam suma Amon-na, ang djogozi vuna.

Ezekiyel 21:2

Ang gor sana, ang mbut irang abo ma sutna hambasina, ang djok vuna mi suma a nga kaka aduk agud’a abo ma sutnina.

Ezekiyel 13:17

Ma didina mi dan kua ala: Ang gor sana, ang mbut irang ata arop suma Israel suma a nga djok vuna yam djib’er ra kuruzid’ina, ang djogozi vuna.

Ezekiyel 4:7

Ang mbut irang yam Jerusalem mba a nguyut kä d’a, ang mat bigang nga silid’a kad’u, ang djok vuna kad’u.

Josue 11:21

Ata yi máma Josue mi i dur suma Anak suma a nga kaka yam ahuniyônina, nala, suma Hebron-na, suma Debir-râ, suma Anap-ma kazì ma pet ma yam ahuniyô suma Juda-na ki ma yam ahuniyô suma Israel-lîna mi. Mi dabazi tchid’a woi kazì mazi ma nglona pepet.

Ezekiyel 6:1

Ma didina mi dan ala:

Ezekiyel 28:21

Ang gor sana, ang mbut irang yam azì ma ngol ma Sidon-na, ang djogom vuna.

Ezekiyel 21:7

Ang gor sana, ang mbut irang yam Jerusalem, ang tchi wala mi yima a tinim iram vama, ang djok vuna mandagad’a hi Israel-lîd’a.