Ezekiyel 6:12 - Bible azumeina

¹² Ma sä deina, tugud’ei d’a tcho d’a tchi matna mba d’i tchumu. Ma gona, a mba tchum avun ayîna. Ma mba mi arâ, a mba nguyum kä kayîna, baktarad’a mba d’i tchumu. An mba ni ndak vun hur man ma zala, gak ni ngoboziya.

Ezekiyel 6:12 Referans Kwoze

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Daniel 9:7

Salad’a, angî ma d’ingêrâ, wani ami zulona nga mi lami ini ki suma Juda-na ki suma a nga kaka Jerusalem-ma ki Israel-lâ pet, suma gogona ki suma dedeina kur ambas sa lara ge pet ta ang ndjoyôzi woi kua yam tcho d’a azi langzid’a.

Hor ma tchina 4:22

Ndak gor weid’a Siyon, sariya d’a yam tcho makid’a ndak da’. Mi mba mi ik magomba d’uo d’a. Ndak gor weid’a Edom, ni yam tcho maka ba, mi mba mi gad’agu, mba mi gak ad’u tcho maka woi abu mi.

Hor ma tchina 4:11

Ma didina mi ndak wa vun ayî mama, mi vo wa ayî mama woi da’, mi do akud’a ata Siyon, ti ngalat kä woi kad’ut ta ged’a pet.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 7:12

Yina nga mi djïya, bur ma ka sariyad’a mi mba go! Ar sama mi gus ahlena mi le furîd’a d’i, ar sama mi gus ahlena woina tam mbi tchuk susub’ok kuo mi, kayam ayî mana mba mi wet tei yam ablaud’a hi sumid’a pet.

Ezekiyel 7:15

Ayîna nga mi dur rei abua, tugud’ei d’a tcho d’a tchi matna ki baktarad’a a nga krovo mi. Sama sä woi abagei kelâ, a mba tchumza avun ayîna; sama nga kä hur azì ma ngolîna, baktarad’a ki tugud’eid’a a mba tchum mi.

Jeremi 24:10

An mba ni sun ayî ma durâ ki baktarad’a ki tugud’ei d’a tcho d’a tchi matna adigazi gak a dabazi woi yam andaga d’a an hat mabuyozi ngolo zlapa ki azid’a mi. An Ma didina ni de na.

Jeremi 42:22

Ki tchetchemba, agi wagi woi tetet ala a mba tchagi avun ayî ma durâ, baktarad’a mba d’i tchagiya, tugud’ei d’a tcho d’a tchi matna mba d’i tchagi kur yima agi min á i kagagi kua máma!

Ezekiyel 33:27

Wana ni zla d’a ang dazizid’a: Ang dazi ala: An Salad’a Ma didin ma bei matna ba na ni dala: Suma a ar kaka kur azì ma ngol ma b’lak keina, a mba tchaziya. Suma a nga kaka abagei kelâ, ambureina a mba vigiziya. Suma a nga kaka aduk agud’a kangra ahuniyônina, tugud’ei d’a tcho d’a tchi matna mba d’i tchazi mi.