Ezekiyel 5:5 - Bible azumeina

⁵ Wana ni zla d’a an Salad’a Ma didina ni data: Wana ni zla d’a ngad’a yam Jerusalem azì ma ngol ma an tinim aduk andjaf suma d’ad’ar ma an nguyum mbei d’uhl kambasa handjaf ma dingîd’a.

Ezekiyel 5:5 Referans Kwoze

Ezekiyel 4:1

Ma didina mi dan kua ala: Ang gor sana, ang hle derengel ma lubuna, ang tinim kä avorongû, ang tin angus azì ma ngol ma Jerusalem-ma atamu.

Jeremi 6:6

Kayam Ma didin ma ad’engêm kal petna mi dala: Agi kagi aguna kä woyo, agi mbugi andagad’a akulo ad’u Jerusalem. Nazì ma ngol ma ndak á ngopina, kurut ni djop vuna vam tu.

Gat ta a hat á mbàd’id’a 4:6

Agi ngomoziya, agi tid’igi kazi mi. Hina wani, agi mba mbud’ugi ni suma ned’a ki suma wad’ud’a. Suma ding suma a mba we gat ndata ki vun ma he mama mi na, a mba de kagi ala: Andjaf ma ngol ma wana nandjaf ma ne ma wad’ud’a.

Ezekiyel 16:14

Simiyêk mi nde yina aduk andjaf suma, kayam djif ma’â mi ndak memet, kayam mbut ta an mbud’uk djifâ ndak nga d’i ngal wiwilika. An Salad’a Ma didina ni de na.

1 Korente-na 10:4

Azi pet a tche ni mbina hAlonina mi, kayam azi tche ni mbiyo ma lawï ata ahinad’a hAlona d’a nga d’i tit blogozid’a. Ahina ndata ni Christ.

Matiye 5:14

Agi ni d’igi b’od’a hi suma yam andagad’ina na. Azì ma ngol ma a minim yam ahinad’ina, mi ndak á vit ti.

Mise 5:7

Andjafâ hi Jakob ma arâ mba mi kak aduk andjaf ma ablauna d’igi azlona aduk amburei suma aduk agud’ina na, d’igi azlo ma azongâ aduk kangâna haho’îna na. Ata yima mi kalâ, mi ve, mi kizak keyo, sama mi prut va woi aboma nga d’i.

Gat ta a hat á mbàd’id’a 8:20

Gagazi, agi mba dabagi woi d’igi andjaf ma Ma didina mba mi dabam mbei avorogina na kayam agi humugi nga Ma didina Alo magina vunam mbi.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Ezekiyel 5:4

Ang yo tumus ndata kua nde, ang tchugut aduk akud’a, ang ngalat teyo. Ndat mba d’i fo akud’a, ti ngal Israel-lâ woi pet.

Sawal la giled’a 87:3

Ang azina hAlonina, ahle suma azi dazi kangâ pet ni subura. Tchol ndjö