Ezekiyel 48:35 - Bible azumeina

³⁵ Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Ezekiyel 48:35 Referans Kwoze

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

Zakari 2:10

Ma didina mi dala: Agi suma Siyon-na, agi eregi ad’ugi akulo lagi furîd’a, kayam an nga ni djïza á kak adigagiya.

Vama ndum mbeina 22:3

A mba fe vama Alona mi gum vunina kua d’i. Zlam mba amula hAlona d’a hi Gor timinid’a ti mba d’i kak kua, azungeîna hAlonina a mba kud’uromu.

Jeremi 33:16

Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Jeremi 3:17

Kur bur máma a mba yi Jerusalem ala Zlamba hi Ma didinid’a. Andjaf suma lara ge pet a mba tok kurut ki simiyê Ma didina, a mba tit yam djib’er mazi d’a tcho d’a a so tazi kat ngingringa d’i.

Joel 3:21

An mba ni hlatchugula buzuwazi ma an hlum nga atchugulum mbuo tua na. An Ma didina mba ni kak kur Siyon.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Ezekiyel 35:10

Ndak dala: An mba ni hlandjaf ma mbà ma Ma didina mi nga kaka adigazina.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Jeremi 14:9

Ma didina, ni kayam me ba, ang kak d’igi sama mandarâ d’oze d’igi grang ma mi ndak á sut sum mama d’uo na na ge? Wani ang nga adigamiya, a nga yami ki simiyêngû. Ang arami woi d’i.

Sawal la giled’a 132:14

Mi dala: Wana ni yi man ma tuk tad’a gak didin, an mba ni kak kua, kayam an hurun minid’u.

Sawal la giled’a 77:13

An nga ni djib’er yam sun nda teteng nga ang lata, an nga ni de kurun teteu yam sun nda nglo d’a ang lata.

Suma ka sariyad’a 6:24

Zedeyon mi min yima ngal ahle suma ngat buzuna mi Ma didina ata yi máma. Mi yi yi máma ala Ma didina ni halasa. Yi máma mi nga gak ini avo Ofra d’a hi Abiyezer-ra.

Buzuk ka Abud’a 17:15

Moise mi min yima ngal ahle suma ngat buzuna, mi yum ala: Ma didina ni Bangâ mana.

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

Zakari 14:21

Duguyo suma Jerusalem-ma pet ki duguyo suma Juda-na a mba tinizi irazi vazi mi Ma didin ma ad’engêm kal petna. Suma a mba mba á hahle suma ngat buzunina a mba yi ki hliuna. Kur bur máma a mba fe sama mbut abom kur gong nga kud’ora hi Ma didin ma ad’engêm kal petna d’uo d’a.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Sawal la giled’a 48:14

Agi gologi gulumun mama, agi gologizi ad’eng mamba djiviya. Hina wani, agi mba dagizi zlam mbei mi suma kur atchogoi d’a nga d’i mba bugola, ala:

Sawal la giled’a 48:3

Nahina d’a djif fa suma yam andagad’ina pet a nga le furîd’a kata. Siyon nahina d’a nga abo ma norîd’a, nazì ma ngolâ hamul ma ngolîna.

Sawal la giled’a 46:5

Aluma nga, ni ma mbiyom nga mi le suma avo hurazina hAlonina tazi djivid’ina. Azì máma ni yima kal tegles ma aduk yi ma kak ma tetengâ hi ma sä akulo ma kal teglesîna.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

Jeremi 8:19

Gola! Del la tchina hi sum manid’a, ti tcholï yam andaga d’a deid’a, ti dala: Ma didina mi nga kur Siyon d’uo d’ang zu? Amul matna mi nga kurut tuo mi zu? Ma didina mi dala: Ni kayam me ba, azi zalan hurun kangus ahle mazi suma tcheta kahle suma hawa ya’â hi suma dingîna ge?

Ezekiyel 48:34

Abo ma fladegena gulumuna fiyagamî metred’a 2250, mi nga ki vun agre’â hindi mi. Vun agre’â hi Gad-na tu, vun agre’â hi Aser-râ tu, vun agre’â hi Neftali-na tu mi.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

1 Sunda Hamuleinid’a 23:25

Kayam David mi dala: Ma didina Alona hi Israel-lîna, mi he wa tuk tad’a mi sum mama, mba mi kak Jerusalem burâ ki burâ mi.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Sawal la giled’a 87:3

Ang azina hAlonina, ahle suma azi dazi kangâ pet ni subura. Tchol ndjö

Ezekiyel 37:26

An mba ni djin vun ma halasa ki sed’eziya. Ni vun ma djin ma gak didina. An mba ni tinizi kua, an mba ni zuluziya, an mba ni tin gong man nda kud’ora adigazi gak didin mi.

Ezekiyel 37:28

Fata gong man nda kud’ora ti kak aduk Israel-lâ gak didinda, andjaf suma dingâ a mba wala an ni Ma didin ma ni tin Israel-lâ irazi vazina.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.