Ezekiyel 47:3 - Bible azumeina

³ Sa máma mi i abo ma yorogona, mi yo ziyo ma nga yina, mi nga yina metred’a kikis vahl. Bugola, mi dan ala an djak mbina. Wani mbina mi mban kokod’asenu.

Ezekiyel 47:3 Referans Kwoze

Ezekiyel 40:3

Mi in sä hî. An we sana iram nga d’i wile d’igi kawei ma hleuna na. Ziyo ma a tchilim ki baru d’a luluîd’ina kakei d’a nga yina a nga abomu, mi nga tchola go ki vun agre’â.

Vama ndum mbeina 21:15

Malaika ma nga mi dan zlad’ina, mi nga kakei d’a lor ra nga ahlena abom á nga azì ma ngol máma ki vun gulumun máma.

Vama ndum mbeina 11:1

A han akeid’a d’igi totogod’a na abonu, a dan ala: Ang tchola akulo, ang nga gong nga kud’ora hAlonid’a ki yima ngal ahle suma ngat buzuna, ang ndum suma a nga kud’or kurutna mi.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 2:4

Azi pet a oî ki Muzuk ma bei tchod’a ba na, a nde de zlad’a ki vuna hi sumina teteng d’igi Muzu’â mi hazizi á ded’a na.

Wana ni Zla d’a Djivi d’a Luc mi b’irita 24:49

An mba ni sunugi he d’a hawa d’a Abun mi hle vunam kata, wani agi kagagi kur Jerusalem djang gak ad’eng nga akulod’a mba d’i mba kagiya.

Zakari 2:1

An hle iran akulo, an gol wani vana nde tam mbei iranu, an we sana mi nga tchola ki ziyo ma nga yina abomu.

Ezekiyel 47:2

Sa máma mi ndan ndei abu avun agrek ma abo ma norîna, mi nguyun gulumuna gak avun agrek ma abo ma yorogona. An gol wani, mbina nga mi djang ngei abu abo ma sutna hi vun agrek mámina.

Ezekiyel 47:4

Mi nga yina kua metred’a kikis vahl, mi dan ala an djak mbina kua. Wani mbina mi mban akulo vun guguvan mbeî. Mi nga yina kua metred’a kikis vahl, mi dan ala an djak mbina. Wani mbina mi mban akulo furun mbeî.

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.