Ezekiyel 46:20 - Bible azumeina

²⁰ Mi dan ala: Wana ni yima suma ngat buzuna a mba yi hliwa ahle suma a mba hazi he d’a hawa d’a yam tchod’id’a, d’oze suma a mba hazi he d’a hawa d’a tetenga kuana. Hina wani, a mba i ki hliwa ahle ndazina hur atranga abu á mbut suma hawana suma a tinizi irazi vazina d’i.

Ezekiyel 46:20 Referans Kwoze

2 Sunda Hamuleinid’a 35:13

A sor hliu tumiyôna kakud’a d’igi gata de na, a yi hliu ma a tinim iram vama kur duguyona, ma dingâ a yum ki duguyo suma yavuna, ma dingâ a yum kur halâ mi, a b’rau ahle ndazina mi suma ablaud’a atogo zazak.

Ezekiyel 44:29

Azi mba wul tazi ni ki he d’a hawa d’a afuta kahle suma ngat buzu suma yam tchod’ina kahle suma ngat buzu suma yam vat hurîna mi. Ahlena pet suma a tinizi irazi vazi yam an Ma didinina, a mba arî mazina mi.

Ezekiyel 44:19

Ata yima a mba buzuk kei á i hur atrang nga abud’a gen suma a nga tokina, a fok baru ma a le ki sundina kä woyo, a tchuguzi kur gongîyo suma a tinizi irazi vazina. Bugola, a tchu’î baru ma dingâ atazi ba, a buzuk ki woi abua. Hina wani, suma hawana a mba fe lovota á mbut suma a tinizi irazi vazina d’uo mi.

Ezekiyel 46:21

Bugola, mi in kur atrang nga abud’a, mi kal mi i ki sed’en ata kengêt ma fid’ina. Ata kengêt ma fid’i máma atrang nga dinga nga kua tutu pet.

Zakari 14:20

Kur bur máma a mba b’ir ata aglenga hakulumeinina ala Bei tchod’a ni d’a hi Ma didinid’a. Duguyo suma kur gong nga kud’ora hi Ma didinid’a a mba mbut ni d’igi angulei suma a nga avok yima ngal ahle suma ngat buzunina na.

Buzuk ka Abud’a 29:31

Ang yo hliu gamlâ ma a tinizi ki kur sundina, ang yum hliwim kur yima tu ma a tinim iram vama.

Sunda hi suma hi Levi-nid’a 2:1

Ma didina mi de kua ala: Le sana mi he he d’a hawa d’a afuta mi an Ma didina ni, ar mi he ni afut ta adiged’id’a, mi vo mbulâ kat zlapa ki dubang ma his djivid’ina,

Sunda hi suma hi Levi-nid’a 2:3

He d’a hawad’a ad’ut ta ara ni yam Aron azi ki groma. He d’a hawad’a ad’ut ta ar ndata ni vama a tinim iram vam mi an Ma didinina, kayam ni vama tcholï ata he d’a hawa d’a ngal la a hat mi an Ma didinid’a.

Sunda hi suma hi Levi-nid’a 2:10

He d’a hawad’a ad’ut ta ara ni yam Aron azi ki groma. He d’a hawad’a adut ta ar ndata ni vama a tinim iram vam mi an Ma didinina, kayam ni vama tcholï ata he d’a hawa d’a ngal la a hat mi an Ma didinid’ina.

Ezekiyel 46:24

Sa máma mi dan ala: Wana natuguyo suma suma a mba le sunda kur gong nga kud’ora hAlonid’ina a mba yi hliwa ahle suma suma a mba hazi he d’a hawad’a kuana.