Ezekiyel 46:12 - Bible azumeina

¹² Le amulâ mi min han he d’a hawa d’a kur min mambid’a, le ni he d’a hawa d’a ngala d’oze ni he d’a hawa d’a zlap darigïd’a ni, a malamî vun agrek ma abo ma yorogona hatrang nga krovod’ina. Mam he he d’a hawa mamba d’igi nga mi hat kur bur ma sabatna na. Bugola, mi nde woi abua. Ata yi máma a duk vun agre’â blogomu.

Ezekiyel 46:12 Referans Kwoze

Ezekiyel 45:17

Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Ezekiyel 46:8

Fata amulâ mi kal kur gong man nda kud’orid’a, mi hle lovot ta avun agre’â hatrangina, mi hulong mi nde woi abu ni ki lovot ta tu ndata mi.

Ezekiyel 44:3

Wani amulâ ni sama ngolâ, mi ndak á mba á te te ma a tinim iram vama avoronu. Mam mba mi kalï krovo ni ki vun agrek ma abo ma yorogona hi gong nga ngolina hol, mba mi nde woi ni ki vun agrek máma mi.

2 Sunda Hamuleinid’a 29:31

Ata yi máma Ezekiyas mi de mi suma ala: Agi hagiya wa tagi mi Ma didina da’. Ki tchetchemba, agi hud’ugiya, agi mbeyegi kahle suma ngat buzu suma le mersid’a kur gong nga kud’ora hi Ma didinid’a. Ablau suma toka a mba kahle suma ngat buzu suma le mersid’a, suma pet suma huruzi min á hed’ina a hahle suma ngat buzu suma ngala mi.

Sunda hi suma hi Levi-nid’a 23:38

zlapa ki bur man ma sabat ma lara ge pet, he d’a hawa magid’a ki vun magi ma hled’a, zlapa ki he d’a hawa d’a lara ge d’a agi handji kur min magid’id’a.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Esdras 6:17

A hamuzlei suma andjofâ kis, gamlâna kikis mbà ki tumiyôna kikis fid’i he d’a hawad’a yam tin nda a tin gong nga kud’ora hAlonid’a irat vata. A he mbekmberena he d’a hawad’a dogo yam mbà ngad’a yam andjafâ hi Israel ma dogo yam mbàna á zlup yam tchod’a hi Israel-lîd’a avok Alona.

Esdras 3:5

Bugola, a nga he he d’a hawa d’a ngala teteu, he d’a hawa d’a ngala hi til ma deî awilinid’a, hi vun til ma lara ge ma a tinim iram vam mi Ma didinina ki he d’a hawa d’a hi suma lara suma a nga hat kur min mazid’a mi Ma didinid’a.

Esdras 1:4

Yima lara ma Israel suma a arâ a nga kaka kuana, ar suma kak kur yi mámina a ndjunuzi ki bege d’a hapa, lora, d’uwarâ ki he d’a hawa d’a kur min mazid’id’a á min gong nga kud’ora hAlo ma nga avo Jerusalem-ma.

2 Sunda Hamuleinid’a 5:6

Ata yi máma amulâ Salomon ki Israel-lâ pet a tok ngui zandu’â kä, a ngat aho’â kamuzleina buzuna mAlona ablawazi kal ngola ndak á ndumba memeta.

1 Sunda Hamuleinid’a 29:21

Tcha ndjivinda, a hahle suma ngat buzu suma zlap darigïd’a kahle suma ngat buzu suma ngala mi Ma didina, a hamuzleina dubu, gamlâna dubu ki tumiyôna dubu, zlapa ki he mazi d’a hawa d’a süm guguzlud’a kahle suma ngat buzu suma dingâ ablaud’a yam Israel-lâ pet mi.

1 Amuleina 3:4

Bur tu amulâ Salomon mi i Gabawon á hahle suma ngat buzuna, kayam yi máma mi kal yima dingâ pet. Salomon mi hahle suma ngat buzu suma ngala dubu yam yima ngal ahle suma ngat buzuna ata yi máma.

Ndumba 29:39

Wana nahle suma agi mba hagizi kur bur magi ma vun tilîna zlapa ki he d’a hawa d’a ngala ki he d’a hawa d’a afuta ki süm guguzlud’a kahle magi suma ngat buzu suma zlap darigï suma á ndak vun vun ma hled’a d’oze he magi d’a hawa d’a kur min magid’id’a mi.

Sunda hi suma hi Levi-nid’a 7:16

Le sana mi he he d’a hawad’a yam vunam ma mi hluma, d’oze mi he ni he d’a hawa d’a kur min mambid’a ni, mi mut hliu máma ni kur bur ma mam hum kuana. Le mi ar akulo ni, mi mud’um avin yorogo.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Ezekiyel 44:1

Sa máma mi hulongôn mi in avun agrek ma abu ma abo ma yorogona hi yima a tinim iram vama. Wani vun agrek máma mi ni duka.