Ezekiyel 45:8 - Bible azumeina

⁸ Hina wani, amulei mana a mba kak kur andaga mazid’a tata, a mba tamula yam sum mana kad’enga d’uo d’a, a mba ar andaga d’a a hat mandjaf suma Israel-lâ á kaka kuad’a.

Ezekiyel 45:8 Referans Kwoze

Ezekiyel 46:18

Amulâ mi ndak á hlandagad’a abo sum mama d’i. Andaga d’a mi hat mi goromid’a, nandaga d’a a humzi djonid’a mbeî. Hina wani, mba mi fe lovota á dik sa man ndei yam andaga d’a a humzi djonid’a d’i.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Josue 11:23

Josue mi yo ambasa pet d’igi Ma didina mi he vuna mi Moise na. Josue mi b’rau ambasa mi Israel-lâ ad’u andjavaziya, ad’u andjavaziya. Ata yi máma ambasa kak ki halasa bei durâ.

Sofoni 3:13

Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Ezekiyel 19:7

Mi b’lagazi azì mazi ma ad’eng ma ngunguna woyo, mi mbut azì mazi ma nglona hur fulâ, ambasa kahle suma kurutna pet a ar djona abo tchi mam ma nga mi ngir kä ngingirâ.

Ezekiyel 19:3

Ti wul gorot ma dingâ tu aduk grotna, mi djeng azlo ma azongâ, mi hat á kizak vama mi vuma, mi kizak suma woi mi.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Zla d’a d’ogolâ 28:16

Ma te yam ma mi we nga ad’u zlad’a d’uo na nga mi djop vun suma ngola, wani ma nga mi noî bege d’a a fat ki lovod’ot tuo d’a woina, mba mi te leud’a tatâ.

Jacques 2:6

Wani agi nga gologi ma houd’a is. Ni suma ndjondjoîna ba, a b’at ahlena abogi d’uo zu? Ni azi ba, a nga igi avok suma ka sariyad’a d’uo zu?

Josue 19:49

Kid’a a b’rau andagad’a djona adigazi ki haga mata peta, a handagad’a djona mi Josue Nun goroma adigazi mi.

Ezekiyel 22:6

Gola! Suma nglo suma Israel suma kurungâ pet nge nge pî nga mi dap ad’engêm mbei á tchi matna.