Ezekiyel 45:22 - Bible azumeina

²² Kur bur ma avo’â hi vun til mámina, amulâ mi hamuhlâ he d’a hawa d’a ngat buzuna yam tcho mamba, yam tchod’a hi suma kur ambasina pet mi.

Ezekiyel 45:22 Referans Kwoze

Sunda hi suma hi Levi-nid’a 4:14

Ata yima tcho d’a ti lata ad’ut ti nde woina, ti vamuhl ma azongâ, ti i ki sed’em avun zlub’u d’a ngaf tad’a á zlup yam tcho mat ndata.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Sunda hi suma hi Levi-nid’a 16:5

Mi yo mbekmberena abo ablaud’a hi Israel-lîd’a mbà yam vama ngat buzu ma zlup yam tchod’a, gamlâna tu yam vama ngat buzu ma ngala mi.

Sunda hi suma hi Levi-nid’a 4:13

Ma didina mi de kua ala: Le ablaud’a hi Israel-lîd’a ti le tchod’a bei min mata, le ti tchila yam vun man ma hed’a tu, le ti le tcho d’a ndak á led’a d’uo d’a bei wad’ud’a ba ni, zlad’a nga kad’u.

Sunda hi suma hi Levi-nid’a 4:21

Ma ngol ma ngat buzuna, mi i kamuhl máma bugol kangâ, mi ngalam d’igi mi ngal ma avo’â na. Wana ni vama ngat buzu ma zlup yam tchod’a hablau sumid’ina.

Ezekiyel 46:4

Kur bur ma sabat ma lara pî amulâ mi han gro tumiyôna karagaya ki gamlâna tu suma bei daka ba na he d’a hawa d’a ngala.