Ezekiyel 44:15 - Bible azumeina

¹⁵ Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Ezekiyel 44:15 Referans Kwoze

Ezekiyel 48:11

A mba handaga ndata mi suma ngat buzu suma ad’u andjafâ hi Sado’â, kayam azi le sunda hi Ma didinid’a ata lovod’ot ki d’engzenga, a le nga d’igi suma hi Levi suma a d’es sei ata yima Israel-lâ a d’es seina na d’i.

Gat ta a hat á mbàd’id’a 10:8

Ni kur atchogoi ndata ba, Ma didina mi tin andjafâ hi Levi-na iram vam á zi zanduk ma vun mam ma djinda mi nga kuana, á tchol avorom á lum sunda, á b’e vuna yam suma ki simiyêm mi. Wana ni sun nda a lat kur bur mamid’a, a nga lat gak ini mi.

Ezekiyel 44:7

Ata yima agi mbagi kangoyogei suma bei a ngad’azi bayâd’a suma a ge nga yazi kä ad’u vun man ma hed’a d’uo na kur gong man nda kud’orina, agi mbud’ut ndjendjed’a. Ata yima agi nga hagi avungô mana ki mbulâ ki buzuna he d’a hawad’a mi filei magi ma ndjendjed’ina, agi bud’ugi ni vun man ma djin ma an djinim ki sed’egina woyo.

Ezekiyel 43:19

Ang he suma ngat buzu suma hi Levi suma ad’u andjafâ hi Sadok suma an hazi vuna á lan sundina gor amuhlâ. Azi hum vama ngat buzuna á fe vat hurâ atanu. An Salad’a Ma didina ni de na.

Ezekiyel 40:46

wani gong nga irat abo ma norîd’a ni yam suma ngat buzu suma a nga le sunda avun yima ngal ahle suma ngat buzunina mi. Mi dan kua ala: Aduk Levi groma pet ni suma abuzi ngolo ni Sado’â hol ba, a ndak á le sunda mi Ma didina kur gong mam mba kud’ora.

2 Timote 2:2

Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

1 Samuel 2:35

Bugola, an mba ni tin ma ngat buzu ma d’engzeng ma mba mi lahlena kur min mandina. An mba ni hum grona á kak suma ngat buzuna burâ ki burâ avok amul ma an manama.

Vama ndum mbeina 3:22

Sama nga ki humbina, ar mi hum vama Muzu’â hAlonina nga mi dum mi Tokina.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

Vama ndum mbeina 3:1

Ang b’ir mbaktumba mi malaika ma nga yam Tok ka Sardes-sina. Wana nahle suma ma nga ki muzu’â hAlonina kid’iziya ki tchitchiud’a kid’iziya aboma mi dazina: An wahlena pet suma ang nga lazina, an we simiyêng nga mi yi d’igi sama arina na, wani angî matna.

Vama ndum mbeina 2:18

Ang b’ir mbaktumba mi malaika ma nga yam Tok ka Tiyatir-rina. Wana nahle suma Alona Gorom ma iram mba gola d’igi sin akud’a na ma asem mi wile d’igi kawei ma hleu ma a gum aduk aku d’a tchafa na na mi dazina:

Vama ndum mbeina 2:12

Ang b’ir mbaktumba mi malaika ma nga yam Tok ka Pergam-mbina. Wana nahle suma Ma nga ki mbigeu d’a fiyak ka te d’a siyat mbàd’a mi dazina:

Vama ndum mbeina 2:8

Ang b’ir mbaktumba mi malaika ma nga yam Tok ka Ismirin-ndina. Wana nahle suma Ma avo’â, Ma danan ma mi mit mi mbut arid’ina ni dazina:

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina:

Ezekiyel 44:10

Ma didina mi de kua ala: Suma hi Levi suma a d’es sei dei ki sed’en ata yima Israel-lâ a d’es sei dei ki sed’en á tit ad’u filei mazinina, a mba zi aneka hi tcho mazid’id’a kaziya.

Jeremi 33:18

A mba ba bei fe suma hi Levi suma ngat buzu suma a vrak a tchol avoron a he he d’a hawa d’a ngala á ngal dubang ma his djivid’ina ki he d’a hawad’a kahle suma ngat buzuna burâ ki burâ d’uo mi.

1 Amuleina 2:35

Amulâ Salomon mi vrak Benaya balum Jowap yam azigarâ, mi vrak Sadok balum Abiyatar ma ngat buzuna mi.

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Ezekiyel 14:11

kayambala Israel-lâ a vit a wal lei dei ki sed’en ba, a mbut tazi ndjendjed’a ki tcho mazid’a d’uo d’a. Hina wani, azi mba mbut ni sum mana, an mba ni arî Alo mazina mi. Ni an Salad’a Ma didina ba, ni de na.

Ezekiyel 40:45

Mi dan ala: Gong nga irat abo ma sutnid’a ni yam suma ngat buzu suma a nga le sunda kur gong nga kud’orina,

Sunda hi suma hi Levi-nid’a 3:3

Mi mba mi he hliu ma a tinim iram vam wana he d’a hawa d’a ngal la zlap darigïd’a mi an Ma didina: Mbul ma yam aruwatnina ki mbul ma atama pet,

Ndumba 16:5

mi de mi Kore ki sum mama ala: Ndjivin yorogo Ma didina mba mi tak sa mam ma mi tinim iram vam ma mam manama woyo, mba mi hud’umî gevem mi.

Ndumba 18:5

Agi ngomogi ahlena hi yima kud’orina kahlena hi yima ngal ahle suma ngat buzunina kayambala an hurun zal yam Israel-lâ d’uo d’a.

2 Samuel 8:17

Sadok Ahitup goroma azi ki Ahimelek Abiyatar goroma ni suma a ngat buzuna mAlonina. Seraya ni ma b’ir mbaktumba.