Ezekiyel 44:13 - Bible azumeina

¹³ Ar azi mba avoron á le sun nda ngat buzuna d’i, ar azi hut go kahle suma a tinizi irazi vazi kana d’i, ar azi kal kur Yi man ma a tinim iram vam ma kal teglesâ d’uo mi. Hina wani, azi mba zi aneka hi sun mazi d’a zulo d’a ndjendje d’a azi lata kaziya.

Ezekiyel 44:13 Referans Kwoze

Ndumba 18:3

Azi ngom vun mang ma hed’a, a ngom ahlena hi zlub’ud’ina pet mi. Wani azi hut go kahle suma a tinizi irazi vazina d’oze ki yima ngal ahle suma ngat buzuna d’uo kayambala agi ki azi bogi woi d’uo d’a.

2 Amuleina 23:9

Wani suma ngat buzu suma yam yima nding mámina, mi arazi nga lovota á hahle suma ngat buzuna yam yima ngal ahle suma ngat buzuna hi Ma didinina avo Jerusalem mbi, wani a nga te navungô ma a lum bei angufina zlapa ki b’oziyozina.

Ezekiyel 36:7

An Salad’a Ma didina ni dala: An hlabon akulo ni gun tan ala: Gola! Nandjaf suma ding suma a nguyugina ba, a mba mbut zulona!

Ezekiyel 32:20

Ezipte-na a mba puk kä aduk suma a tchazi avun ayînina. Sum ndazina a pat mbigeu d’a fiyaka woi kur aziyad’u, a tchi Ezipte-na woi kablau mazid’a!

Ezekiyel 16:61

Fata ndak fe b’oziyok suma arop suma nglona ki suma gureina mi d’a, ndak mba d’i djib’er yam tit maka, ndak mba d’i mbut zulona, an mba ni haksi d’igi grok suma aropma na, wani nga ni yam vun mak ma djinda d’i.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 39:26

Bugola, azi mba mar yam zulo mazina, yam tit mazi d’a bei d’ingêra ba d’a avoronda, azi mba kak ki halasa yam andaga mazid’a bei sa mi mbud’uzi mandar ba.

Jeremi 3:25

Ami nga burâ kä ki zulo mamina, zulo mamina mi vamiya, kayam ami kabuyomi ki gugurei tami dei gak ini ami nga lami tchod’a avorongû, ami humumi nga dela hi ang Ma didina Alo maminid’a d’i.