Ezekiyel 44:11 - Bible azumeina

¹¹ A mba lan sunda, a mba kak ndjola avun agre’â hi gong man nda kud’orina teteng, a mba le sunda kurut teteng mi, a mba ngat d’uwar ma a mba hum vama ngat buzu ma ngalina ki vama a hum yam he d’a hawa d’a dingina, a mba ka’î suma ndjun suma avoron mi.

Ezekiyel 44:11 Referans Kwoze

Ndumba 16:9

Na ni ni vama gor iragi tala Alona hi Israel-lîna mi tinigi iragi vagi kablaud’a hi Israel-lîd’a, mi hud’ugi go ki sed’em á le sun nda zlub’u mamba, á tchol avok ablaud’a hi Israel-lîd’a á lat sundid’a zu?

2 Sunda Hamuleinid’a 29:34

Wani suma ngat buzuna a nga ablau d’i, a ndak nga á ze ahle suma ngat buzu suma ngal ndazina pet ti. Wani b’oziyozi suma hi Levi-na a mba, a ndjunuziya, gak a dap sun ndata, gak suma ngat buzu suma dingâ a mbut tazi yed’et, kayam suma hi Levi-na, huruzi min a mbut tazi yed’et kal suma ngat buzu suma hiuna.

Ezekiyel 44:14

An mba ni hazi ni sun nda le d’a akid’eid’a kur gong man nda kud’ora.

Ezekiyel 40:45

Mi dan ala: Gong nga irat abo ma sutnid’a ni yam suma ngat buzu suma a nga le sunda kur gong nga kud’orina,

2 Sunda Hamuleinid’a 30:17

Wani suma ablaud’a aduk suma toka a mbut nga tazi yed’et ti. Kayam ndata, suma hi Levi-na a hlanek mazid’a kaziya, a ngat tumiyôna Pa’â yam suma pet suma a mbut nga tazi yed’et tuo na á tinizi irazi vazi mi Ma didina.

Ndumba 18:6

Gola! An man b’oziyogi suma hi Levi-na aduk Israel-lâ yam anu, an hagizi he d’a hawad’a á le sunda hi zlub’u d’a ngaf tad’id’a.

Ndumba 4:1

Ma didina mi de mi Moise azi ki Aron ala:

Ndumba 18:2

Ang mba hud’ï b’oziyong suma hi Levi suma ad’u andjafâ habungâ, kayam azi kak ki sed’eng á ndjunung ata yima agi ki grongâ agi mba igi avun zlub’u d’a zanduk mana nga kuad’ina.

Ndumba 8:26

Mba mi ndjun b’oziyoma kur zlub’u d’a ngaf tad’a á ngom ahle suma a mba humzi á ngombina. Wani mi le sunda d’i. Ang le hina ki suma hi Levi-na yam sun nda ngad’a kazid’a.

Ezekiyel 46:24

Sa máma mi dan ala: Wana natuguyo suma suma a mba le sunda kur gong nga kud’ora hAlonid’ina a mba yi hliwa ahle suma suma a mba hazi he d’a hawad’a kuana.