Ezekiyel 43:4 - Bible azumeina

⁴ Subura hAlonid’a b’o mata ti kal kur vun agrek ma abo ma yorogonina, ti kal kur gong mam mba kud’ora mi.

Ezekiyel 43:4 Referans Kwoze

Ezekiyel 44:2

Ma didina mi dan ala: Vun agrek máma mba mi arî duka na, ar sa mi malam mbei d’i. Sa mba mi kal kua d’i, kayam an Ma didina Alona hi Israel-lîna ni kal kua da’. Mba mi arî duka na.

Ezekiyel 43:2

Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Buzuk ka Abud’a 40:34

Ata yi máma d’ugula oî kur zlub’u d’a ngaf ta d’a a tinit irat vata, subura hi Ma didinid’a ti oî kurut mi.

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Ezekiyel 11:23

Subur mamba ti tcholï hur azì ma ngolâ, ti i tchol sä woi yam ahina d’a abo ma yorogona hazì ma ngol mamid’a.

Ezekiyel 43:1

Sa máma mi hlan avun agrek ma abo ma yorogonina.

Ezekiyel 44:4

Bugola, sa máma mi hlan avun agrek ma norâ, mi mban avun gong nga kud’ora hAlonid’a. An gol yina, ni we subura hi Ma didinid’a ti oî gong mam mba kud’ora. An grif kä avoromu.

Buzuk ka Abud’a 40:35

Moise mi ndak á kal kur zlub’u ndata d’i, kayam d’ugula nga kad’u, subura hi Ma didinid’a ti oyôt tei mi.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Ezekiyel 3:12

Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.