Ezekiyel 43:27 - Bible azumeina

²⁷ Bugol bur ma kid’iziya máma, tin ad’ud’a kur bur ma klavandina ar avok hî wani, suma ngat buzuna a han vama ngat buzu ma ngala ki vama ngat buzu ma zlap darigïd’a suma suma a mba handjina yam yima ngal ahle suma ngat buzunina. Hina wani, an mba ni vagi atanu. An Salad’a Ma didina ni de na.

Ezekiyel 43:27 Referans Kwoze

Sunda hi suma hi Levi-nid’a 9:1

Kur bur ma klavandina Moise mi yi Aron azi ki groma zlapa ki suma nglo suma Israel-lâ,

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Wana ni mbaktumba hi Oze-d’a 8:13

Azi nga ngat ahle suma azi nga handjina, a nga mud’uzi hliwiziya. Wani an Ma didina tan nga d’i lan djivid’a kazi d’i, an nga ni djib’er yam tcho mazid’a, an mba ni mba, ni ngobozi yam tcho mazid’a mi. Azi mba hulong Ezipte.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Sunda hi suma hi Levi-nid’a 17:5

Ni kayambala Israel-lâ a ngat ahle mazi suma ngat buzuna kä woi abagei kel luo a mbazi ni mi ma ngat buzuna avogon an Ma didina, avun zlub’u d’a ngaf tad’a, a hazi mi an Ma didina vama ngat buzu ma zlap darigïd’a d’a.

Sunda hi suma hi Levi-nid’a 3:1

Ma didina mi de kua ala: Le sana mi he vama ngat buzu ma zlap darigïd’a mi an Ma didina, le mi he ni d’uwar ma ngol mandjuf foze d’a atchad’a ni, mi he ni ma bei daka ba na.

Ezekiyel 43:26

Hina wani, kur bur ma kid’iziya máma, suma ngat buzuna a hahle suma ngat buzuna á mbut yima ngal ahle suma ngat buzuna yed’et, á tinim iram vam kan mi.

Ezekiyel 45:17

Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Sunda hi suma hi Levi-nid’a 9:4

agi vagï amuhlâ ki gamlâna á hazi vama ngat buzu ma zlap darigïd’a mi Ma didina zlapa ki he d’a hawa d’a afut ta a tib’eget ki mbulîd’a, kayam Ma didina nga mi nde tam mbei iragi ini.