Ezekiyel 43:20 - Bible azumeina

²⁰ Ang gom buzuwam do’, ang dom akulo ata yima ngal ahle suma ngat buzuna kengêm ma adivadif fid’ina nguyum mbei d’uhl. Ang yam buzuna ata vama ad’um kä ma ata kengêm ma fid’ina zlapa ki vunam ma dalalâ mi. Hina wani, ang mba tin yima ngal ahle suma ngat buzuna iram vam kanu.

Ezekiyel 43:20 Referans Kwoze

Sunda hi suma hi Levi-nid’a 16:19

Mi yamam ki tchitchid’am ata yima ngal ahle suma ngat buzuna yayam yam kid’iziya, mi mbud’um yed’et, mi tinim iram vam yam ndjendjed’a hi Israel-lîd’a.

Sunda hi suma hi Levi-nid’a 8:15

Moise mi ngad’amu, mi go buzuna, mi yamam akulo ki tchitchid’am tu keng yima ngal ahle suma ngat buzuna, mi nguyum mbei d’uhl á tinim iram vamu. Bugola, mi vo buzuna kä ata kawei ma kä ad’u yima ngal ahle suma ngat buzunina á tinim iram vam á le sun nda zlup yam tchod’id’a kua.

Ezekiyel 43:26

Hina wani, kur bur ma kid’iziya máma, suma ngat buzuna a hahle suma ngat buzuna á mbut yima ngal ahle suma ngat buzuna yed’et, á tinim iram vam kan mi.

Ezekiyel 43:22

Kur bur ma mbàna, ang he mbekmbere ma bei daka ba na vama ngat buzuna á fe hur ma vata atanu. Hina wani, ang mba mbut yima ngal ahle suma ngat buzuna yed’et, ang mba tinim iram vam kan d’igi ang le ki gor amuhlâ na mi.

Sunda hi suma hi Levi-nid’a 9:9

Groma a mbam buzuna. Mi nik tchitchid’am tu adugu, mi yamam akulo keng yima ngal ahle suma ngat buzu ma djedjed’engâ, mi yamam ata kawei ma ad’u kä na mi.

Buzuk ka Abud’a 29:36

Ang mba ngat amuhlâ burâ ki burâ á zlup yam tcho magid’a. Ni hina ba, ang mba mbut yima ngal ahle suma ngat buzuna vama a tinim iram vama. Bugola, ang vo mbulâ kam á tinim iram vamu.

Buzuk ka Abud’a 29:12

Ang go buzuna hamuhlîna, ang yamam ki tchitchid’ang tu yam yima ngal ahle suma ngat buzuna kengêm ma djudjungûhlâ, ang vo buzu ma arâ kä ata kawei ma kä ad’u yima ngal ahle suma ngat buzunina pet mi.

Sunda hi suma hi Levi-nid’a 4:34

Ma ngat buzuna mi nik tchitchid’am tu aduk buzuna hi vama a hum vama ngat buzuna yam tchod’ina, mi yamam akulo keng yima ngal ahle suma ngat buzu ma a ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Sunda hi suma hi Levi-nid’a 4:30

Ma ngat buzuna mi nik tchitchid’am tu aduk buzuna hi vama a hum vama ngat buzunina, mi yamam akulo keng yima ngal ahle suma ngat buzu ma a nga ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Sunda hi suma hi Levi-nid’a 4:25

Ma ngat buzuna mi nik tchitchid’am tu aduk buzuna hi vama a hum vama ngat buzuna á zlup yam tchod’a máma, mi yamam akulo keng yima ngal ahle suma ngat buzu ma a ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Sunda hi suma hi Levi-nid’a 16:18

Ata yima mi nde woi ata yima ngal ahle suma ngat buzu ma nga avogon an Ma didinina, mi mbut yima ngal ahle suma ngat buzuna yed’et, mi go buzuna hamuhlîna ki buzuna hi mbekmberenina, mi yamam akulo keng yima ngal ahle suma ngat buzu ma djedjed’engâ mi nguyum mbei d’uhl.

Ezekiyel 43:14

Yima ngal ahle suma ngat buzu máma mi ni minda akulo yam tam hindi. Tinï ad’um kä andaga dei gak mba ata ma tuna ni metred’a tu. Kengêm ar rei santimetred’a dok vahl dok vahl ngui woi d’uhl. Tin yam ma tuna i akulo ata dabid’a hi ma mbànid’a, fiyagamî metred’a mbà. Kengêm ar rei santimetred’a dok vahl dok vahl ngui woi d’uhl mi.

Ezekiyel 45:19

Ma ngat buzuna mi go buzuna hi gor amuhl ma a ngad’ama dö, mi yamam ata agu ma avun gong man nda kud’orina, ata yima ngal ahle suma ngat buzuna kengêm ma fid’ina, ata agu ma avun agre’â hatrang nga krovod’ina mi.

Buzuk ka Abud’a 29:37

Ang mba le burâ kid’iziya á le sun ndata yam yima ngal ahle suma ngat buzuna, ang mba tinim iram vam mi. Yima ngal ahle suma ngat buzuna mba mi ka’î yima a tinim iram vam ma kal teglesâ, vama lara ma doma mba mi mbut ni vama a tinim iram vama mi.

Sunda hi suma hi Levi-nid’a 8:14

Moise mi mba kamuhl ma a hum vama ngat buzuna á zlup yam tchod’ina. Aron azi ki groma a tin abozi yam amuhl máma.

Ezekiyel 45:18

Salad’a Ma didina mi de kua ala: Kur bur ma avo’â hi til ma avo’îna, agi vagi gor amuhl ma bei daka ba na, agi hagizi he d’a hawa d’a ngat buzuna á mbut gong man nda kud’ora yed’et.