Ezekiyel 43:2 - Bible azumeina

² Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Ezekiyel 43:2 Referans Kwoze

Vama ndum mbeina 18:1

Bugol ahle ndazina, an we malaika ma dingâ mi tcholï akulo, mi tchugï asem kä. Mi nga kad’enga ngola, wile mamba ti b’o yam andagad’a pet.

Ezekiyel 11:23

Subur mamba ti tcholï hur azì ma ngolâ, ti i tchol sä woi yam ahina d’a abo ma yorogona hazì ma ngol mamid’a.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Vama ndum mbeina 1:15

Asem wile d’igi kawei ma hleu ma a gum aduk aku d’a tchafina na. Delem mba ded’a ti tchi d’igi mbiyo ma avun vorina na.

Ezekiyel 3:23

An tchola, an i kur hora. Gol wani, subura hi Ma didinid’a nga tchola d’igi sana na hle tat d’igi subur ra an wat avun alum ma Kebar-rid’a na. Ata yi máma an ge tan kä avoromu.

Ezekiyel 1:24

Ata yima azi nga ina, an hum siwela hi gigingâzid’a d’igi siwela habil alum ma ngolîd’a na, d’igi dela hi Ma ad’engêm kal petnid’a na, d’igi siwela hi azigar suma ablau suma mimiyâ’îd’a na. Ata yima a tcholâ, a sumot gigingâzi kä.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 14:2

An hum dela ti tcholï akulo, nga d’i siwel d’igi mbiyo ma avun vorina na, d’igi breîd’a halonid’a na mi. An hum dela ti hle tat d’igi dela hi suma a nga bu adingîna na.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.

Vama ndum mbeina 19:1

Bugol ahle ndazina, an hum del la ngola d’igi dela hablau sumid’a na kur akulod’a, ti dala: Ei gilei Alona! Suta, subura kad’enga ni hAlo meinid’a.

Jean 12:41

Isai mi de zla ndata hina, kayam mi we subura hi Jesus-d’a, mi de kam mi.

Habakuk 3:3

Alona mi tcholï Teman; Ma bei tchod’a ba na mi tcholï yam ahina d’a Paran-nda. Tchol ndjö Ngol mamba ti duk ir akulod’a, subur mamba ti oî yam andagad’a.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Ezekiyel 9:3

Subura hAlona hi Israel-lîd’a ti ndei woi akulo yam tcherebêna ata yima ndat nga kuana, ti i irat avun yima kala hi gong nga kud’ora hAlonid’ina. Alona mi yï sama mi tchuk baru d’a hap pa luluîd’a atam ma mi djin ahle suma a b’ir ki sed’ezina yam d’ik mamina gevemu.

Vama ndum mbeina 21:11

Subura hAlonid’a ti nga d’i wile kua. Ti nga d’i ngal wiwilik d’igi ahina d’a guzut kal teglesa na, d’igi ahina d’a jaspe d’a ngal wiwilik d’igi kristala na d’a na mi.

Isai 17:12

Alë! Suma ablau suma mimiyâ’â delezi nga d’i ngir kä d’igi mbiyo alum ma ngolâ delem nga d’i ngir kä na, andjaf suma vunazi nga mi tchi wü d’igi abilâ halum ma ngolîna vunam nga mi tchi wü na.

Ezekiyel 11:22

Tcherebêna a nga gigingâzi woi á pira, abo pusâ mi i ki sed’ezi mi. Subura hAlona hi Israel-lîd’a ti nga akulo kazi mi.

Ezekiyel 43:4

Subura hAlonid’a b’o mata ti kal kur vun agrek ma abo ma yorogonina, ti kal kur gong mam mba kud’ora mi.

Ezekiyel 44:2

Ma didina mi dan ala: Vun agrek máma mba mi arî duka na, ar sa mi malam mbei d’i. Sa mba mi kal kua d’i, kayam an Ma didina Alona hi Israel-lîna ni kal kua da’. Mba mi arî duka na.

Habakuk 3:4

Wile mamba ni d’igi b’od’a hafatid’a na, wile ndata ti tcholï nabomu. Nata yi máma ba, ad’eng mamba nga ngeid’a kua.