Ezekiyel 43:19 - Bible azumeina

¹⁹ Ang he suma ngat buzu suma hi Levi suma ad’u andjafâ hi Sadok suma an hazi vuna á lan sundina gor amuhlâ. Azi hum vama ngat buzuna á fe vat hurâ atanu. An Salad’a Ma didina ni de na.

Ezekiyel 43:19 Referans Kwoze

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Ezekiyel 40:46

wani gong nga irat abo ma norîd’a ni yam suma ngat buzu suma a nga le sunda avun yima ngal ahle suma ngat buzunina mi. Mi dan kua ala: Aduk Levi groma pet ni suma abuzi ngolo ni Sado’â hol ba, a ndak á le sunda mi Ma didina kur gong mam mba kud’ora.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Hebre-na 7:27

Wani Jesus mi le nga d’igi suma nglona hi suma ngat buzuna suma dingâ na d’i. Azi ni suma a nga ngat buzuna burâ ki burâ yam tcho mazid’a avogo, bugol yam mba hi sumid’a mi. Wani ata yima mi he tam mbei vama ngat buzuna yam tchod’a hi sumina, mi le hina ni yam tu.

1 Amuleina 2:35

Amulâ Salomon mi vrak Benaya balum Jowap yam azigarâ, mi vrak Sadok balum Abiyatar ma ngat buzuna mi.

Ndumba 16:5

mi de mi Kore ki sum mama ala: Ndjivin yorogo Ma didina mba mi tak sa mam ma mi tinim iram vam ma mam manama woyo, mba mi hud’umî gevem mi.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Ezekiyel 48:11

A mba handaga ndata mi suma ngat buzu suma ad’u andjafâ hi Sado’â, kayam azi le sunda hi Ma didinid’a ata lovod’ot ki d’engzenga, a le nga d’igi suma hi Levi suma a d’es sei ata yima Israel-lâ a d’es seina na d’i.

Isai 66:22

Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.

Isai 61:6

Wani a mba yagi ala Suma ngat buzuna hi Ma didinina, a mba yagi ala Azungeîna hAlo meinina. Agi mba tagi ndjondjoîd’a handjaf sumid’a, agi mba hlagi subur mazid’a.

1 Amuleina 2:27

Ni hina ba, Salomon mi dik Abiyatar rei kur sun mam mba ngat buzuna mAlonid’a. Hina mi ndak vun zla d’a Ma didina mi dat yam andjafâ hi ma ngol ma ngat buzuna Eli-na avo Silo-d’a.

Ndumba 18:5

Agi ngomogi ahlena hi yima kud’orina kahlena hi yima ngal ahle suma ngat buzunina kayambala an hurun zal yam Israel-lâ d’uo d’a.

Ezekiyel 43:23

Abong le dap wa ata he d’a hawa ndata da ni, ang ve gor amuhl ma bei dakina tu, gamlâ ma bei dakina tu mi,

Ezekiyel 45:4

Yi máma ni yima a tinim iram vam mi an Ma didinina, kayam suma ngat buzu suma a nga le sun mandina a fe yima kaka kua. Azi mba min gongîyo mazina kua, a mba min gong man nda kud’ora ni kua mi.