Ezekiyel 43:17 - Bible azumeina

¹⁷ Yam ma mbàna, fiyagam ki bubuwam nabo tazi tu mi, ni metred’a kid’iziya kid’iziya. Vunam ma dalalâ fiyagam mba akulod’a ni santimetred’a dok mbà yam vahl. Santimetre d’a dok vahl hla ad’u kä d’a ni nguid’a woi ki b’irlima. Azi djak akulo ni ki vama nga tinda ndjendjek ma abo ma yorogonina.

Ezekiyel 43:17 Referans Kwoze

Buzuk ka Abud’a 20:26

Agi minigi yima ngal ahle suma ngat buzuna ki yima djak akulona tala sama djak akulona suma a wum gandila mamba d’uo d’a.

Ezekiyel 40:6

Mi i avun agrek ma abo ma yorogonina. Mi djak akulo yam yima a djak kakulona, mi nga yima avun agre’îna. Fiyagam mba krovod’a ni metred’a hindi.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Nehemi 9:4

Josue, Bani, Kadamiyel, Sebaniya, Buni, Serebiya, Bani ki Kenani a djak akulo ata yima ndingâ hi suma hi Levi-nina, a nga er ad’uzi akulo avok Ma didina Alo mazina.

1 Amuleina 18:32

Elie mi yo ahina ndata, mi min ki yima ngal ahle suma ngat buzuna hi Ma didinina, mi djugot zula nguyum kä. Zul ndata hurut ndak á vo mbina lidirâ dok hindi.

1 Amuleina 6:8

Gong nga ad’u kä d’a vunat ma kala nabo ma ndjufâ hi gong nga ngolina. A min yima djaka á i kur gong nga kat akulod’a nadugu, a le d’a hindid’a ni hina mi.

Buzuk ka Abud’a 30:3

Agi gulud’um yam ma halhalâ, huyogom ma abuna ki kengêm ma fid’ina ki lor ra kal teglesa. Agi tinim vunam ma dalalâ ki lora pepet mi.

Buzuk ka Abud’a 25:25

Agi nguyum aguna avunam akulo bubuwam santimetred’a klavandi, agi gulud’ugi vun agu máma ki lora pet mi.

Ezekiyel 43:14

Yima ngal ahle suma ngat buzu máma mi ni minda akulo yam tam hindi. Tinï ad’um kä andaga dei gak mba ata ma tuna ni metred’a tu. Kengêm ar rei santimetred’a dok vahl dok vahl ngui woi d’uhl. Tin yam ma tuna i akulo ata dabid’a hi ma mbànid’a, fiyagamî metred’a mbà. Kengêm ar rei santimetred’a dok vahl dok vahl ngui woi d’uhl mi.

Ezekiyel 43:20

Ang gom buzuwam do’, ang dom akulo ata yima ngal ahle suma ngat buzuna kengêm ma adivadif fid’ina nguyum mbei d’uhl. Ang yam buzuna ata vama ad’um kä ma ata kengêm ma fid’ina zlapa ki vunam ma dalalâ mi. Hina wani, ang mba tin yima ngal ahle suma ngat buzuna iram vam kanu.

Ezekiyel 45:19

Ma ngat buzuna mi go buzuna hi gor amuhl ma a ngad’ama dö, mi yamam ata agu ma avun gong man nda kud’orina, ata yima ngal ahle suma ngat buzuna kengêm ma fid’ina, ata agu ma avun agre’â hatrang nga krovod’ina mi.