Ezekiyel 43:15 - Bible azumeina

¹⁵ Tin yam ma mbàna i akulo ata dabid’a hi ma hindinid’a, fiyagamî metred’a mbà mi. Yima ngal ahle suma ngat buzuna mi nakulo yam vama hindi máma, a pad’am kengêm ma fid’ina akulo djedjed’eng mi.

Ezekiyel 43:15 Referans Kwoze

Buzuk ka Abud’a 27:2

Agi pad’am kengêm ma fid’ina adivadif abo tam tu, agi gulud’umî ki kawei ma hleuna mi.

Sawal la giled’a 118:27

Ma didina tu nAlona, ni mam ba, nga mi b’o keya. Agi tinigi luna, agi yogi hum aguna abogiya, agi igi ki sed’em gak ata yi ma ngal ahle suma ngat buzuna.

Sunda hi suma hi Levi-nid’a 9:9

Groma a mbam buzuna. Mi nik tchitchid’am tu adugu, mi yamam akulo keng yima ngal ahle suma ngat buzu ma djedjed’engâ, mi yamam ata kawei ma ad’u kä na mi.

Isai 29:7

Andjaf suma mimiyâk suma a mba mba atang ang Ariyel á durâ suma a mba mba durung kazì mang ma ad’eng ma ngunguna suma a mba mba tezeng ata azì mang ma ad’eng ma ngunguna teteng mi na, azi mba dap pei d’igi adï d’a de sanid’a na, d’oze d’igi vama nde tam mbei ir sana andjegena na mi.

1 Amuleina 2:28

Jowap mi ni b’ranga hi Adoniya-d’a, wani mi nga ni b’ranga hi Apsalom-mba avok ki. Kid’a Jowap mi hum zlad’a hi Adoniya azi ki Abiyatar-ra, mi ring kur zlub’ud’a hi Ma didinid’a, mi vabom yam yima ngal ahle suma ngat buzuna kengêm ma djedjed’engâ.

1 Amuleina 1:50

Adoniya tamba nga mi le mandarâ abo Salomon, mi i mi ve abom ata yima ngal ahle suma ngat buzuna kengêm ma djedjed’engâ.

Ezekiyel 43:20

Ang gom buzuwam do’, ang dom akulo ata yima ngal ahle suma ngat buzuna kengêm ma adivadif fid’ina nguyum mbei d’uhl. Ang yam buzuna ata vama ad’um kä ma ata kengêm ma fid’ina zlapa ki vunam ma dalalâ mi. Hina wani, ang mba tin yima ngal ahle suma ngat buzuna iram vam kanu.

Buzuk ka Abud’a 27:1

Ma didina mi de mi Moise kua ala: Agi minigi yima ngal ahle suma ngat buzuna ni kagu kasiyana. Agi minimî abo tam tu; fiyagam metred’a mbà ki nus metred’a, bubuwam metred’a mbà ki nus metred’a mi, fiyagam mba akulod’a metred’a tu ki nus metred’a.