Ezekiyel 42:20 - Bible azumeina

²⁰ Ni hina ba, mi nga ki gulumun ma ngui gong nga kud’ora hAlonid’a abot ma fid’inina. Gulumun máma mi ngui yina d’uhl, fiyagam ki bubuwamî metred’a kikis mbà yam dok vahl, mi wal yima a tinim iram vam mAlonina woi ki yima hawana mi.

Ezekiyel 42:20 Referans Kwoze

Ezekiyel 45:2

A mba ka yina kur andaga ndata yam gong nga kud’ora hAlonid’a fiyagam ki bubuwam nabo tam tu. Fiyagamî metred’a kikis mbà yam dok vahl, bubuwamî metred’a kikis mbà yam dok vahl mi. A mba ar yina huyogom kä ndak metred’a dok mbà yam vahl ngui woi d’uhl mi.

Ezekiyel 40:5

Gulumun ma abuna mi ngui gong nga kud’ora hAlonid’a kä d’uhl. Sa máma mi hlakei d’a ngad’a abomu. Fiyagat ni metred’a hindi. Mi nga gulumuna bubuwam ki fiyagam mba akulod’a, azi dja’î metred’a hindi hindi.

Ezekiyel 22:26

Mat suma ngat buzuna a nga tchila yam gat manda, a nga mbut yi man ma an tinim iram vama ndjendjed’a, a nga wal ir vama an tinim iram vama woi ki vama ndjendjed’a d’i, a nga wal ir vama ndjendjed’a woi ki vama yed’etna d’i, a nga djib’er yam bur man ma sabatna d’uo mi. Kayam ndata, a mbud’un ndjendjed’a adigaziya.

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Ezekiyel 48:15

Andaga d’a ar kä hawa d’a fiyagat kilometred’a dogo yam mbà ki nusa d’a bubuwat kilometred’a mbà ki nusa mi d’a. Nandaga d’a bei tinit irat vat ba d’a, ni yima a mba min azì ma ngolâ aduk kolâ d’ad’arâ, ni yima suma a mba kak kua a mba le sunda kua mi na.

Ezekiyel 44:23

Azi mba hat sum mana a wal ir ahle suma hawana kahle suma a tinizi irazi vazina, á wal ir ahle suma ndjendjed’a kahle suma yed’etna mi.

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Wana ni Zla d’a Djivi d’a Luc mi b’irita 16:26

Le hina d’uo pî, gring ma ngolâ mi nga adigeya. Suma a min á tchol ka hî á iza gevengîna a ndak ki, suma tchol sä hî á mba ka hî gevemina a ndak kuo mi.

Mise 7:11

Agi suma Jerusalem-ma, bur ma a mba djagagi gulumuna hazì magina akulona, a mba hulong wed’egi hagad’a handaga magid’id’a woyo.

Ezekiyel 48:20

Andaga d’a pet ta a tinit irat vat mi Ma didinid’a zlapa ki yina hazì ma ngolîna pet, fiyagam ki bubuwam nabo tazi tu, nala, kilometred’a dogo yam mbà ki nus nus.

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Sawal la kal teglesa 2:9

Ma an le kam heîna, mi hle tamî d’igi duka na, d’igi gor gayangâ na mi. Gola! Mi tchol nga huyok gong meid’a, nga mi golî ir fenetred’a, iram nga d’i wile ir kawei ma ndjana.

Sunda hi suma hi Levi-nid’a 10:10

kayam agi walagi ir vama a tinim iram vama ki vama a he nga vuna kam á led’a d’uo na, ir vama ndjenjed’a ki vama yed’etna mi.

Ezekiyel 43:12

Gat ta yam yina hi gong mandina ba wana: Yima akulo ma ngui ahina d’a fiyak ka ked’iwurengina pet ni yima a tinim iram vam ma kal tegles mi Ma didinina.