Ezekiyel 42:14 - Bible azumeina

¹⁴ Vama ding nga mi. Suma ngat buzu suma a kal kur gong nga kud’ora hAlonid’ina a ndak á buzuk kei abu á i hur atrang nga abud’a gau d’i. Baru ma a tinim iram vam ma suma ngat buzuna a tchugum atazi á le ki sundina, a fogom kä woi kur gongîyo ndazina tua ba, a tchuk ma dingâ atazi a buzuk kei abu hur atrang nga abud’a á i gen ablaud’a tua.

Ezekiyel 42:14 Referans Kwoze

Ezekiyel 44:19

Ata yima a mba buzuk kei á i hur atrang nga abud’a gen suma a nga tokina, a fok baru ma a le ki sundina kä woyo, a tchuguzi kur gongîyo suma a tinizi irazi vazina. Bugola, a tchu’î baru ma dingâ atazi ba, a buzuk ki woi abua. Hina wani, suma hawana a mba fe lovota á mbut suma a tinizi irazi vazina d’uo mi.

Sunda hi suma hi Levi-nid’a 8:7

Mi tchuk baru d’a ngola ata Aron, mi djinim d’i’â furumu, mi tchugum baru d’a dinga kam kua, mi tchugum baru d’a efod’a kad’u, mi djinim d’ik ma a djina kat mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Sunda hi suma hi Levi-nid’a 8:13

Moise mi mba ki Aron groma, mi tchuguzi baru d’a nglod’a ataziya, mi djinizi d’i’â furuziya, mi d’ud’uzi kadamula kazi d’igi Ma didina mi hum vuna na.

Galat-na 3:27

Kayam agi pet suma a lagi batemba zlapa tu ki Jesus Christ-sâ, agi tchugugi wa Jesus Christ atagiya.

Romê-na 13:14

Wani ar agi hlagi ni djib’er ra awili d’a Salad’a Jesus Christ mi hagizid’a. Ar agi djib’eregi yam ahlena hi sa magi ma adjeunina á ndak vun d’od’ok mamba d’i.

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

Wana ni Zla d’a Djivi d’a Luc mi b’irita 9:62

Wani Jesus mi dum ala: Sama tin abom yam kawei d’a zuma, le mi mbut iram blogomu ni, mi ndak nga kayam leud’a hAlonid’a d’i.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Sunda hi suma hi Levi-nid’a 16:23

Aron mi kal kur zlub’u d’a ngaf tad’a, mi fok baru ma luluî ma mam tchugum atam mi kal kadjï ata yima a tinim iram vam ma kal teglesîna woyo, mi gabam sä kua.

Ezekiyel 44:1

Sa máma mi hulongôn mi in avun agrek ma abu ma abo ma yorogona hi yima a tinim iram vama. Wani vun agrek máma mi ni duka.

Sunda hi suma hi Levi-nid’a 16:24

Mi mbus tam mbei aduk mbina ata yima ding ma a tinim iram vama, mi hulong tchuk baru mama atamu, mi i he va mam ma ngat buzu ma ngala ki ma hablau sumina, mi zlup yam tcho mamba ki d’a hi sumid’a mi.