Ezekiyel 41:19 - Bible azumeina

¹⁹ Iram mba d’igi hi sana na d’a, nga d’i gol amilaûna abo hî, iram mba d’igi azlona na d’a, nga d’i gol amilaû ma abo hî na mi. A ndjar ahle ndazina akulo ata gulumuna hina pet.

Ezekiyel 41:19 Referans Kwoze

Ezekiyel 10:14

Tcherebê ma lara pî iramî fifid’i. Ma avo’â iram hle tat ni d’igi ir tcherebêna na, ma mbàna iram hle tat ni d’igi ir sana na, ma hindina iram hle tat ni d’igi ir azlona na, ma fid’ina iram hle tat ni d’igi ir b’aruna na mi.

Ezekiyel 1:10

Azi ki zla tazi d’a fid’id’a pet a nga ki ira hi sanid’a, azi ki zla tazi d’a fid’id’a pet a nga ki ira hazlonid’a abo ma ndjufâ, azi ki zla tazi d’a fid’id’a pet a nga ki ira hamuhlîd’a abo ma gulana, azi ki zla tazi d’a fid’id’a pet a nga ki ira hi b’arunid’a mi.

Ezekiyel 10:21

Ma lara pî, iramî fifid’i, ma lara pî, gigingâmî fifid’i mi. Vana nga ad’u gigingâzi kä d’igi abo sana na.

1 Amuleina 7:29

Mi d’udjo azlona kamuzleina ki tcherebêna akulo ata kawei ma nglo ma murguli máma, mi d’udjo b’od’a hi tamasid’a ad’u azlona azi kamuzleina kä hina mi.