Ezekiyel 40:5 - Bible azumeina

⁵ Gulumun ma abuna mi ngui gong nga kud’ora hAlonid’a kä d’uhl. Sa máma mi hlakei d’a ngad’a abomu. Fiyagat ni metred’a hindi. Mi nga gulumuna bubuwam ki fiyagam mba akulod’a, azi dja’î metred’a hindi hindi.

Ezekiyel 40:5 Referans Kwoze

Ezekiyel 42:20

Ni hina ba, mi nga ki gulumun ma ngui gong nga kud’ora hAlonid’a abot ma fid’inina. Gulumun máma mi ngui yina d’uhl, fiyagam ki bubuwamî metred’a kikis mbà yam dok vahl, mi wal yima a tinim iram vam mAlonina woi ki yima hawana mi.

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Vama ndum mbeina 21:12

Ti nga nguid’a ki gulumun ma ngol ma fiya’â, vunam dogo yam mbà; malaikana dogo yam mbà a nga ngomom vunamu. Mi nga b’ira avunamu, simina handjaf Israel ma dogo yam mbàna mi nga kua,

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

Sawal la giled’a 125:2

Ma didina nga mi ngui sum mama kä, ki tchetchemba gak didin d’igi ahuniyôna a ngui Jerusalem kä na.

Gat ta a hat á mbàd’id’a 3:11

(Ok amul ma Basan-na ni ma mi ar danan ad’u andjafâ hi suma Refa-nina. Azang mam ma kaweina a fumî kur Raba azì ma ngolâ hi suma Amon-nina. Fiyagam kal metred’a fid’i, bubuwam metred’a mbà mi.)

Ezekiyel 41:8

An gol gongîyo suma ngui gong nga kud’ora hAlonid’a petna, andaga d’a a mbut akulo ad’u gongîyo ndazinid’a ndak metred’a hindi.

Ezekiyel 43:13

A nga yima ngal ahle suma ngat buzuna kagu ma nga ma ndak nus metred’ina. Zul la nguyumba bubuwat ni nus metred’a, zulut ta i kä d’a ni nus metred’a mi. Vunam ma dalal ma akulo avun zulina fiyagamî santimetred’a dok mbà yam vahl mi.

Ezekiyel 42:15

Ata yima sa máma mi dap gongîyo suma kur gulumun ma ngui yima suma a kud’or Alona kuana ngad’a dapma, mi ndan ndei abu avun agrek ma abo ma yorogonina. Bugola, mi tin ad’ud’a á nga yima ngui gongina.