Ezekiyel 39:23 - Bible azumeina

²³ Ma didina mi dan kua ala: Andjaf suma a mba wala Israel-lâ a izi magomba ni yam tcho mazid’a, ni yam tit mazi d’a bei d’ingêr ra avoronda mi. Kayam ndata, an mbud’uzi huyogonu, an hazi woi abo mazi suma djangûna á tchazi woi pet avun ayî ma durâ.

Ezekiyel 39:23 Referans Kwoze

Isai 59:2

Wani ni tchila magid’a ba, ti walagi adigagi woi kAlo magina. Ni tcho magid’a ba, ti ngeyem iram mbei iragiya, ti d’elem á humugi mi.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Isai 42:24

Ni nge ba, mi he Israel suma hi Jakob-ma mi suma á hurumuzi á yozi ahligiyezi mi ge? Ni Ma didin ma ei lei tchod’a avoroma d’uo zu? Israel-lâ a min nga á tit kur lovot ta Alo mazina mi tagazizid’a d’i, a hum nga gat mamba d’uo mi.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?

Gat ta a hat á mbàd’id’a 32:20

Mi dala: An mba ni ngei tan ndei avoroziya! An mba ni we vama mba mi mba kazina! Kayam azi ni suma tchona, ni gro suma ang tin hurung kazi d’i.

Sunda hi suma hi Levi-nid’a 26:25

An mba ni mba kayî ma durâ kur ambas magid’a á hlatchugulun yam vun ma djin ma an djinim ki sed’egina. Fata agi mba togogi kur azì magi ma nglonid’a, an mba ni sunï tugud’ei djabuma adigagiya, an mba ni hagi abo magi suma djangûna.

Ezekiyel 36:36

Andjaf suma ding suma a mba nguyugina a mba wala an ni Ma didina, ni an ba ni min vama a tom kä woina akulo, ni pe vama a b’lagam mbeina mi. An Ma didina ni de zlad’a, an mba ni le sunda kat mi.

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Jeremi 33:5

Fata a i durâ ata suma Babilon-nid’a, a mba oî ki mad’a suma an mba ni tchazi kur ayî man ma bibiliunina, an mba ni ngei tan ndei ir azì ma wana yam asa’at mam mba mi lata.

Isai 64:7

Wani Ma didina, angî Abumiya. Ami ni lubu ma ab’lorina, angî ma minimina, ami pet ni sun nda ang lat kabonga.

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Sawal la giled’a 106:41

Mi hazi abo andjaf suma dingâ; suma a noyôzi woina a te kaziya.

Sawal la giled’a 30:7

Kid’a an nga kaka tchugota, an dala: An mba ni giget abo va tu d’i.

Sawal la giled’a 10:1

Ma didina, ni kayam me ba, ang tchol sä woi hina dei ge? Ni kayam me ba, ata yima ndaka nga na ang ngei tang nge?

Suma ka sariyad’a 3:8

Ma didina hurum zal ata Israel-lâ ngola, mi hazi woi abo Kusan-Risatayim amul ma Mesopotami-na. Israel-lâ a le sunda mi Kusan-Risatayim gak bizad’a klavandi.

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Ezekiyel 7:22

An mba ni hle iran ndei yam suma a mba mbut gong man nda an tinit irat vata ndjendjed’ina. Suma asa’atna a mba kal kua, a mba mbud’ut ndjendjed’a.

Ezekiyel 20:27

Ma didina mi de kua ala: Ni kayam ndata ba, ang gor sana, ang de mi Israel-lâ ala: Salad’a Ma didina mi dala: Abuyogi ngolo a ngulun ata yima a tak tazi woi ala azi ni suma bei d’engzengâ avoronu na.

Esdras 9:7

Kur atchogoid’a habuyomi ngolod’a dei gak ini zlad’a vamiya. Ni kayam tcho mami ndata ba, ang hami woi kamulei mamina ki mami suma ngat buzuna abo amuleina hi suma dingîna, á tchamiya, á lami magomba, á hurumumi d’igi a nga lami irami houd’a gak ini na mi.