Ezekiyel 39:11 - Bible azumeina

¹¹ Ata yi máma an mba ni he yina á ka zula mi Gok yam andaga d’a Israel-la kur hora hi suma titid’a, ti nabo ma yorogona hapo d’a Matna. Zul ndata mba d’i d’el lovota mi suma tita. Ni kua ba, a mba tos Gok kablau mamba pet. A mba yi hor ndata ala Hora hablaud’a hi Gok-ka.

Ezekiyel 39:11 Referans Kwoze

Jean 6:1

Bugol ahle ndazina, Jesus mi i djak woi abo apo d’a Galile d’a simiyêt ala Tiberiyat-ta.

Wana ni Zla d’a Djivi d’a Luc mi b’irita 5:1

Bur tu Jesus mi nga tchola avun apo d’a Jenesaret-ta. Ablau suma a togï gevem á hum zlad’a hAlonid’a.

Ezekiyel 47:18

Haga d’a abo ma yorogonid’a mba d’i tinï ad’ud’a ni aduk Damas ki Hauran, mba d’i hleï kur lovota halum ma Jurdê-nid’a aduk ambas sa Galät-ta kambas sa Israel-la, mba d’i i gak kur azì ma Tamar ma avun apo d’a Matnina. Wana ni haga d’a abo ma yorogonid’a.

Ezekiyel 38:2

Ang gor sana, ang mbut irang ata Gok amul ma ngolâ hi suma Ros-sâ hi suma Mese’â hi suma Tubal ma nga yam andaga d’a Magok-kina, ang djogom vuna,

Ndumba 34:11

Ti tcholï Sefam, ti i irat abo ma Ribla abo ma yorogona hi Ayin-na, ti kal gak ti hleï avun alum ma Kinerot-na abo ma yorogona,

Ndumba 11:34

A yi yi máma ala Kibrot-Hatava, nala, Yima a tos suma a le d’od’oka kuana.

Ezekiyel 39:10

Azi a mba yoï agu abagei d’i, azi mba kaï agu aduk agud’a d’uo mi, kayam nahle suma sï ndazina ba, azi mba ngalazi avo hataziya, azi mba yoï ahlena abo suma a yo ahle mazinina, a mba hurumï ahlena abo suma a hurumuzina. An Salad’a Ma didina ni de na.

Ezekiyel 39:12

Israel-lâ a mba tozozi gak tilâ kid’iziya, kayambala andagad’a kak yed’ed’u d’a.

Ezekiyel 39:15

Suma a nga tit yam ambasina pet. Ata yima azi fasok sanina, azi mol ahinad’a gevemu. Hina wani, suma a djugot zulina a mba a yo aso’â, a tozom kur Hora hablaud’a hi Gok-ka.

Buzuk ka Abud’a 8:14

Suma kuma suma Ezipte-na a lahle mazi suma mbuta á mba ki vurutna mi, wani a ndak ki. Vurutna mi nga yam suma ki d’uwarâ.