Ezekiyel 38:4 - Bible azumeina

⁴ An mba ni niging tunglîd’a avunangû, an mba ni tanangû, an mba ni tanang ngei abu ki azigar mangâ kakulumeina ki suma a djangâzi suma a tchuk baru ma djifâ atazina, zlapa ki azigar suma ablau suma a nga yo mboriyo suma nglona d’oze suma gureina kasubiyona abozina mi.

Ezekiyel 38:4 Referans Kwoze

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.

Ezekiyel 29:4

An mba ni niging tunglîd’a avunangû, an mba ni b’al kuluf ma kä kur alum mangîna ata azlungângû, an mba ni tanangî akulo woi aduk alum mangâ, zlapa ki kuluf ma mba mi b’al ata azlungângâ mi.

Ezekiyel 38:15

Ang mba tcholï yam ambas manga ad’u dabid’a habo ma norîd’a dei, ang mba mba kandjaf suma ablaud’a ad’ungû. Azi pet ni suma a nga ngad’a yam akulumeina akulona, azi ni b’rang nga ablau d’a ngola mi.

2 Amuleina 19:28

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djumad’a avunang mi, an mba ni tanang ni hulongông avo hatang kur lovot ta ang hlad’ïd’a.

Ezekiyel 39:2

An mba ni tanangû, an mba ni tiningû, an mba ni ndangî woi ad’u dabid’a habo ma norîd’a dei á mbangî yam ahuniyô suma Israel-lâ.

Jeremi 46:9

Agi akulumeina, agi igiya! Agi pus ma dur ayîna, agi djangâgi atogo zazak! Ar suma gangrangâ a buzuga! Agi suma Etiyopi-na ki suma Put suma wagi mbareid’a durîna, agi suma Lut suma wagi yet yeûd’ina, agi igiya!

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

2 Sunda Hamuleinid’a 25:5

Amasiya mi tok suma Juda-na pet, mi ndjarazi ad’u adezezi ad’u adezeziya, suma nglo suma avok suma dudubuna ki suma nglo suma avok suma kikisâ, nala, suma hi Juda-na ki suma hi Benjamin-na pet. Mi ndumuziya, tin ad’ud’a yam suma bizazi kal dok mbàna, mi fe suma 300.000, ni suma a ndak á i dur ayîna, ni suma a we dur ayîna kasapa ki mbareid’a heîna.

1 Sunda Hamuleinid’a 12:8

Suma aduk andjafâ hi Gad suma a wal ki Saul á i ad’u David kur yima ad’eng ma abagei hur fulîna, azi ni grang suma a we durîna, ni suma a dur ki mbareid’a kasapina. A hle tazi ni d’igi azlona na, a ring afefeta ni d’igi duguyo suma yam ahuniyônina na mi.

Ezekiyel 23:12

E’eû mata ti zud’ut ata suma Asiri suma te yamba ki suma nglo suma ka sariyad’a, azi ni ndrot suma a nga tchuk baru ma djifâ atazina. Azi ni suma djang akulumeina, azi pet nazungeî suma a djif heîna mi.

Isai 43:17

Ni ma buzugï pus ma dur ayîna kakulumeina ki azigar suma gangrang suma dur ayîna woina. Azi a bur kä ata yima tuna, a dok tchol akulo d’uo d’a, a bo woyo, a mit tei d’igi akud’a ti mit tei kur lalamba na.

Ezekiyel 38:3

ang dum ala: Salad’a Ma didina mi dala: Ang Gok amul ma ngolâ hi suma Ros-sâ hi suma Mese’â hi suma Tubal-lâ, an nga ni iza atang á durungû.

Ezekiyel 39:20

Agi mba hobogi ki te ma yam tabul manina ki hliwa akulumeina ki hliwa azigar suma a ndjangâzina ki hliwa azigar suma gangrangâ ki hliwa azigar suma arâ pet mi. An Salad’a Ma didina ni de na.

Amos 4:2

Salad’a Ma didina mi gun tam ki tam mba bei tchod’a ba d’a ala: Burâ nga mi mba kagiya, kur bur máma a mba yogi ki kawei ma vunam gundina, a mba yogi grogina ki tunglîd’a mi.