Ezekiyel 38:15 - Bible azumeina

¹⁵ Ang mba tcholï yam ambas manga ad’u dabid’a habo ma norîd’a dei, ang mba mba kandjaf suma ablaud’a ad’ungû. Azi pet ni suma a nga ngad’a yam akulumeina akulona, azi ni b’rang nga ablau d’a ngola mi.

Ezekiyel 38:15 Referans Kwoze

Ezekiyel 39:2

An mba ni tanangû, an mba ni tiningû, an mba ni ndangî woi ad’u dabid’a habo ma norîd’a dei á mbangî yam ahuniyô suma Israel-lâ.

Ezekiyel 38:6

Azigar suma Gomer-râ ki azigar suma Bet-Togarma suma a tcholï ad’u dabid’a habo ma norîna a mba i durâ ki sed’eng zlapa kandjaf suma dingâ teteng ablaud’a mi.

Vama ndum mbeina 20:8

Mam mba mi i á lop andjaf suma a b’rau woi yam andagad’a petna, nala, Gok ki Magok. Mba mi togozi á dur ayîna. Ablau mazid’a ni d’igi les ma avun alum ma ngolîna na.

Vama ndum mbeina 16:16

Muzuk ma tcho ma hindi máma, mi tok amuleina ata yima a yum ki vun Hebre-na ala Armagedon na na.

Vama ndum mbeina 16:14

Azi ni muzu’â hi Seitan-nina. Azi nga lahle suma atchapma. Azi nga i á tok amulei suma yam andagad’ina pet á dur ayîna kur bur ma ngolâ hAlo ma ad’engêm kal petnina.

Sofoni 3:8

Ni kayam ndata ba, an Ma didina ni dagiya: Agi djubundi gak bur ma an tchol akulo á vagi ki zlad’ina, kayam an ni nga hurun á tok andjaf suma, á tok leud’a tu, á mba kayî man ma bibiliuna kaziya, kayam an mba ni ngal ambasa woi pet kayî man ma aku ma bibiliuna.

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.

Ezekiyel 38:4

An mba ni niging tunglîd’a avunangû, an mba ni tanangû, an mba ni tanang ngei abu ki azigar mangâ kakulumeina ki suma a djangâzi suma a tchuk baru ma djifâ atazina, zlapa ki azigar suma ablau suma a nga yo mboriyo suma nglona d’oze suma gureina kasubiyona abozina mi.

Ezekiyel 32:30

Gola! Suma nglo suma abo ma norâ pet ki suma Sidon-na pet a nga kua, ni suma a i kä azulei ki suma a tchazina. Azi ni grang suma a mbut suma mandarâ adjeuna pî, ki tchetchemba, suma bei ngat bayâ ndazina a i wa azulei ki zulona, zlapa ki suma ding suma a tchazi avun ayînina.

Joel 3:11

Agi andjaf suma pet, agi b’ad’agi tagiya, agi mbeyegïya, agi togogi tagiya. Ma didina, ang sunï grang mang suma durâ ataziya.