Ezekiyel 38:12 - Bible azumeina

¹² An mba ni yo ahligiyeziya, an mba ni hurumuziya, an mba ni dur suma a hulong nga kaka kur azì ma nglo ma adjeu mbut djonina, azi ni suma a hulongî woi aduk andjaf sumina. Azi tok d’uwarâ heî, azi nga mol ndjondjoîd’a mi, azi ni suma a nga kaka aduk suma yam andagad’a d’ad’arâ.

Ezekiyel 38:12 Referans Kwoze

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Ezekiyel 29:19

Kayam ndata, an Salad’a Ma didina ni dala: Gola! An nga ni hambas sa Ezipte-d’a mi Nebukanezar amul ma Babilon-na. Mam mba mi yo ndjondjoî mata, mba mi hurumut pepet, mba mi yo ahle matna avun ayîna mi. Wana ni wurak ka yam azigar mamid’a.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Zakari 1:17

Malaikana mi dan kua ala: Ang tchi wal la dinga ala: Ma didin ma ad’engêm kal petna mi dala: Azì man ma nglona mba mi fe djivid’a, an mba ni man Jerusalem man nda dinga, an mba ni ndjun Siyon mi.

Zakari 1:12

Ata yi máma malaika máma mi dala: Ma didin ma ad’engêng kal petna, ni mindja ba, ang mba we hohowa suma Jerusalem-ma ki suma kur azì ma nglo ma Juda suma ang hurung zal kazi gak bizad’a dok kid’iziyana ge?

Amos 1:8

An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Jeremi 30:16

Kayam ndata, suma a nga tagi d’igi suma a te hliuna na na, a mba tazi mi; magi suma djangûna pepet, a mba izi magomba; suma a nga b’ad’agi ahligiyegina, a mba b’ad’azi mazina mi; suma a nga hurumugi ahligiyegina, a mba hurumuzi ahligiyezi na mi.

Suma ka sariyad’a 9:37

Gal mi dala: Gagazi, ni suma ba, a tchugï asezi kä kur azina. Adesâ hi azigarîna a hle lovot ta ad’u agu sen ma a tuwal fileina kuana wana!