Biblia Todo Logo
Bib sou entènèt

- Piblisite -




Ezekiyel 37:25 - Bible azumeina

25 Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Gade chapit la Kopi




Ezekiyel 37:25
33 Referans Kwoze  

An mba ni hulong pe sum mana yam andaga mazid’a. Sa mba mi pad’azi woi yam andaga d’a an hazizid’a d’uo d’a. Wana ni zla d’a an Ma didina Alo magina ni data.


Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.


Agi mba kagagi yam ambas sa an hat mabuyogi ngolod’a, agi mba mbud’ugi sum mana, an mba ni arî Alo magina mi.


Salad’a Ma didina mi dala: Fata an mba ni togï Israel-lâ aduk suma an ndjoyôzi woi kuanid’a, an mba ni tak tan ndei mandjaf suma ala an nAlo ma bei tchod’a ba na. Israel-lâ a mba kak yam andaga mazi d’a an hat mazong mana Jakob-pa.


Wani suma a mba kak kur ambas sa Juda-d’a gak didin, a mba kak kur Jerusalem atchogoid’a katchogoid’a mi.


An mba ni djin vun ma halasa ki sed’eziya. Ni vun ma djin ma gak didina. An mba ni tinizi kua, an mba ni zuluziya, an mba ni tin gong man nda kud’ora adigazi gak didin mi.


Ang mba dazi ala: Salad’a Ma didina mi dagi ala: Agi golonu! An mba ni prut Israel-lâ pet suma a nga kaka aduk andjaf suma ata yima azi i kuana woyo, an mba ni togozï woi ata yima lara ge pet, an mba ni hulongôzï yam andaga mazid’a.


Tan mba d’i lan djivid’a á lazi djivid’a, an mba ni kagazi kur ambas sa wanda ki hurun tu ki muzugan tu mi.


Ata yi máma suma abagei kelâ ki suma kur azì ma nglo ma Juda-na a mba kak kur ambasa zlapa tu ki suma zuma ki suma a nga tit ki d’uwarîna mi.


An Ma didina nga ni dangû, burâ nga mi mba, ni bur ma an mba ni hulongî man suma Israel-lâ ki man suma Juda-na woi kur magombina, an mba ni hulong ni mbazi ka hî yam ambas sa an hat mabuyozi ngolod’a, azi mba kak kat kua.


Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.


Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.


Abo aguna mi hud’urï ata abu aguna hi Jesse-na, mba mi d’uvï ata sideyemu.


Wani suma hi Levi-na a mbut suma ngat buzuna bei gun tad’a. Wani Jesus mi mbut ma ngat buzuna ni yam gun tad’a ata yima Alona mi de woi kam ala: An Ma didina ni gun tanu, nga ni djok vunan ndi: Ang mba mbut ma ngat buzuna gak didina.


Abraham mi pad’am vun ahlena tutu pet, nala, dogo mam hum tu, dogo mam hum tu. Melkisedek, ad’u simiyêm nala Amul ma d’ingêrâ; kal pet mam namul ma Salem-ma, nala Amul ma b’leng nga halasa.


Ablau suma a hulong dum ala: Ami humumi kur gat meid’a ala Mesi mba mi kak gak didinu mi na. Ni nana ba, ang dala mbeî a mba gap Gor Sana akulo ge? Gor Sana ni nge ge?


Suma a mba kak kuru, a mba b’lagat bugol luo d’a, mba d’i kak ki halasa.


Agi suma Siyon suma nga kaka Jerusalem-ma, agi mba tchigi d’uo d’a. Fata agi yumba, mba mi vagi sumad’a! Ata yima mba mi hum tchi maginina, mba mi hulongôgi humba mi!


Gola! An tinimî ma glangâsâ yam suma, ma tak lovota mi suma, ma te yam suma mi.


Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.


An mba ni hazi hur ma tuna á tit kur lovot ta tud’a á lan mandaran burâ ki burâ tala azi kak ki djivid’a, grozi suma blogozina a kak ki djivid’a mi d’a.


An Ma didina mba ni arî Alo mazina, azong mana David mba mi arî ma ngol ma adigazina mi. An Ma didina ni de na.


Wani amulâ ni sama ngolâ, mi ndak á mba á te te ma a tinim iram vama avoronu. Mam mba mi kalï krovo ni ki vun agrek ma abo ma yorogona hi gong nga ngolina hol, mba mi nde woi ni ki vun agrek máma mi.


An mba ni hulongôziya, a mba kak kur Jerusalem, a mba mbut sum mana, an mba ni arî Alo mazina, an mba ni te kazi ki d’engzenga ki gagazid’a mi.


Suma Efraim-ma a mba mbut ni grang suma durâ, a mba le furîd’a kuruzi krovo d’igi suma a le furîd’a ki süm guguzlud’a na. Grozina a mba we, a mba le furîd’a, a mba le furîd’a kuruzi krovo yam an Ma didina.


mi dan ala: An mba ni zulung andjavang ndjondjoî, an mba ni mbud’ung andjavang ades suma ablauna, an mba ni hang andaga d’a wanda mandjavang ma blogongâ gak didin.


Ni mam ba, mba mi min gonga akulo ki simiyênu, an mba ni hum ad’enga á kak yam zlam mam mba amula gak didin.


Sama ad’u andjavangâ mba mi tamula blagang gak didin; amul manga mba d’i giget ti gak didin.


Swiv nou:

Piblisite


Piblisite