Ezekiyel 37:24 - Bible azumeina

²⁴ Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Ezekiyel 37:24 Referans Kwoze

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Ezekiyel 36:27

An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi.

Jeremi 30:9

Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Jean 10:11

An ni Ma pol tumiyô ma djivina. Ma pol tumiyô ma djivina nga mi he tam mbei yam tumiyôna.

1 Jean 2:6

Sama dala mam nga kaka zlapa tu kAlona na, djivid’a mi tit d’igi Jesus tamba na.

1 Pierre 5:4

Fata Ma ngol ma kal tegles ma pol tumiyôna mi nde woid’a, agi mba fagi avaval la subura bei wile mata dap pei ba d’a.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

1 Korente-na 11:2

An nga ni suburugi kayamba agi nga djib’eregi kan kur ahlena peta, agi nga tid’igi yam hat ta an had’agizid’a mi.

Wana ni Zla d’a Djivi d’a Luc mi b’irita 1:32

Mam mba mi kak ma ngolâ, a mba yum ala Alo ma sä akulo ma kal teglesâ Goroma. Salad’a Alona mba mi tinim amul ma ngolâ d’igi abum ngolo David na.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Jeremi 32:39

An mba ni hazi hur ma tuna á tit kur lovot ta tud’a á lan mandaran burâ ki burâ tala azi kak ki djivid’a, grozi suma blogozina a kak ki djivid’a mi d’a.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Ma tchi wala 12:11

Kayam an sama tchi wala ni sama ned’a, an hat suma wad’ud’a, an huma, an fek ad’ud’a, an tin zla d’a d’ogola ablaud’a ata lovod’od’u.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Ezekiyel 37:22

An mba ni mbud’uzi andjaf ma tuna yam andaga mazid’a yam ahuniyô suma Israel-lâ, amul ma mba mi te kazina ni tu. Azi mba kak andjafâ mbà d’uo d’a, azi mba wal leud’a kä mbà d’uo mi.

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

Isai 32:1

Kur bur máma amulâ mba mi tamula ki d’ingêra, mam suma nglona a mba te yamba ki d’ingêra mi.

Jeremi 30:21

Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.

Jeremi 33:22

D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.

Ezekiyel 20:40

Kayam Israel-lâ pet a mba kud’uron yam ahina man nda a tinit irat vat ta fiyak ka aduk Israel-lîd’a. Ni kua ba, an mba ni vagi atanu, an mba ni dagi ala: Agi handï ahle magi suma agi tinizi irazi vazina, nala, he magi d’a hawad’a kahle suma djivi suma kalâ.

Ezekiyel 21:27

Vama tagam lovota yam Jerusalem-ma mi nga ved’a abom ma ndjufâ. Mba mi he vuna mi suma tchi suma á tchi wulula, á min vama to gulumuna kä woina, á ndjar vama to gulumuna avun agre’â, á mbu andagad’a akulo ad’u azina, á ka azigar suma ayîna woi dudup mi.

Ezekiyel 45:7

A mba he yina avun andaga d’a a tinit irat vat mi an Ma didinid’a kandaga d’a a mba min azì ma ngolâ hi Israel-lîna kuad’a mamulâ abo ma fladegena kabo ma yorogona mi. Andaga mam mba abo ma fladegenid’a mba d’i i gak ti dabï avun alum ma ngol ma Mediterane-na, andaga mam mba abo ma yorogonid’a mba d’i i gak ti dabï avun hagad’a hi Israel-lâ d’a avun alum ma Jurdê-nid’a. Fiyak mata nabo tat tu kandagad’a handjaf Israel suma dingîd’a.

Gat ta a hat á mbàd’id’a 6:1

Moise mi dazi kua ala: Wana ni vun ma hed’a ki gat ta teteng nga Ma didina Alo magina mi hagi vuna kazi á had’agizi tala agi tid’igi kazi kur ambas sa agi mba kalagi kur á hlagizi wanda d’a,