Ezekiyel 36:24 - Bible azumeina

²⁴ An mba ni yogï woi aduk andjaf suma dingâ, an mba ni togogï yam ambas sa agi b’rawagi woi kuad’a pet. An mba ni hulongôgï yam andaga magid’a.

Ezekiyel 36:24 Referans Kwoze

Ezekiyel 37:21

Ang mba dazi ala: Salad’a Ma didina mi dagi ala: Agi golonu! An mba ni prut Israel-lâ pet suma a nga kaka aduk andjaf suma ata yima azi i kuana woyo, an mba ni togozï woi ata yima lara ge pet, an mba ni hulongôzï yam andaga mazid’a.

Ezekiyel 34:13

An mba ni buzuguzï woi aduk andjaf suma dingâ, an mba ni yozï woi kur ambasa teteng, an mba ni hulongôzï yam ambas mazid’a, an mba ni polozi yam ahuniyô suma Israel-lâ avun toliyonda ata yima suma a nga kaka kua kur ambasina pet mi.

Ezekiyel 11:17

Ni kayam ndata ba, ang i dazi ala: Salad’a Ma didina mi dala: An mba ni togogï aduk suma, an mba ni yogï kur ambas sa an ndjoyôgi woi kuad’a, an mba ni hagi andagad’a hi Israel-lîd’a.

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

Jeremi 30:3

An Ma didina nga ni dangû, burâ nga mi mba, ni bur ma an mba ni hulongî man suma Israel-lâ ki man suma Juda-na woi kur magombina, an mba ni hulong ni mbazi ka hî yam ambas sa an hat mabuyozi ngolod’a, azi mba kak kat kua.

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Jeremi 31:8

Gola! An nga ni hulongî ki sed’ezi abo ma norâ, an mba ni togozi avun dabid’a handagad’id’a. Suma duka ki suma dileîd’a, arop suma wirâ ki suma huruzi nga tazi á vutina, ki zla tazi pet a mba tok tok ka ngola ka hî.

Ezekiyel 20:42

Fata an igi yam andaga d’a Israel-la kur ambas sa an hlabon akulo ni gun tan á hat mabuyogi ngolod’a, agi mba wagi ala an ni Ma didina.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Ezekiyel 37:12

Kayam ndata, ang djok vuna mi Israel-lâ, ang dazi ala: Salad’a Ma didina mi dala: Gola! Agi sum mana, an mba ni mal vun asu magid’a woyo, an mba ni hulongôgï yam andaga d’a Israel-la.