Ezekiyel 36:22 - Bible azumeina

²² Kayam ndata, ang de mi Israel-lâ ala: Ma didina mi dala: Ni kayam agi Israel-lâ ba, an lahle ndazina d’i, wani ni kayam simiyên Ma bei tchod’a ma agi mbud’um ndjendjed’a aduk andjaf suma ding suma agi igi kuana.

Ezekiyel 36:22 Referans Kwoze

Sawal la giled’a 106:8

Wani mi sud’uzi woi yam simiyêm á tak ad’eng mamba woyo.

Ezekiyel 36:32

Agi wagi ala nga ni kayam agi ba, an mba ni lahle ndazina d’i. Agi Israel-lâ, ar zulona mi lagiya, ar tagi tchuk susub’ok yam tit magid’a mi. An Salad’a Ma didina ni de na.

Sunda hi suma a sunuzinid’a 2:36

Kayam ndata, ar agi Israel-lâ pet agi wagi woi tetet ala ni Jesus ma agi b’alam akulo ata agunina ba, Alona mi mbud’um Salad’a ki Mesi mi.

Sawal la giled’a 109:21

Wani Ma didina Alo mana, yam simiyêngû, ang ndjun kanu; yam o mang nga ngola, ang ndjununu!

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Ezekiyel 20:9

Wani an le nga hina d’i, kayambala ar azi mbud’un simiyên vama ndjendjed’a ir andjaf suma azi nga kaka adigazina d’uo d’a, azi sumala ni glangâsâ yam vun ma hle ma an hlum ala an mba ni buzuguzï woi kur ambas sa Ezipte-d’a na.

Ezekiyel 20:44

Agi Israel-lâ, an mba ni le ki sed’egi yam tit magi d’a tchod’a ki sun magi d’a ndjendje d’a agi lata d’i, wani an mba ni le ki sed’egi ni yam simiyênu. Ata yi máma agi mba wagi ala an ni Ma didina. Wana ni zla d’a an Salad’a Ma didina ni data.

2 Amuleina 19:34

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

Isai 48:11

Ni yam o manda, ni yam o manda ba, an min lahle ndazina. Ni kayam me ba, simiyên mbut ndjendjed’a ge? An nga ni he subur manda mi sama ding ngi.

Ezekiyel 16:61

Fata ndak fe b’oziyok suma arop suma nglona ki suma gureina mi d’a, ndak mba d’i djib’er yam tit maka, ndak mba d’i mbut zulona, an mba ni haksi d’igi grok suma aropma na, wani nga ni yam vun mak ma djinda d’i.

Ezekiyel 39:25

Gola! An Salad’a Ma didina ni dala: Ki tchetchemba, an mba ni hulong suma hi Jakob suma a yozi magombina avo, an mba ni we hohowa Israel-lâ pet, an mba ni ngom simiyên Ma bei tchod’a ba na djivid’a mi.

Daniel 9:18

Alo mana, ang tin humang ang huma, ang mal irang ngeyo, ang gol b’lak mamid’a ki b’laka hazì ma ngol ma simiyêng nga mi yi kuana, nga ni yam sun mami d’a d’ingêra ba, ami nga tcheneng tchen nda hu d’a wanda d’i. Ni yam we hohou mang nga ngola hol.