Ezekiyel 36:15 - Bible azumeina

¹⁵ An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Ezekiyel 36:15 Referans Kwoze

Ezekiyel 34:29

An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Sawal la giled’a 89:50

Salad’a, sun mang nga o d’a ang lat adjeu d’a ang gun tang kat mi David yam d’engzeng mangid’a, ti nga ni lara ge?

Ezekiyel 36:6

Kayam ndata, ang Ezekiyel, ang djok vuna yam andaga d’a Israel-lâ, ang de mahuniyôna, mi yima ndingâ, mi toliyonda ki hora mi ala: Salad’a Ma didina mi dala: Gola! An nga ni de zlad’a kur yungôr mana ki hur man ma zala, kayam andjaf suma dingâ a nga kragagi ngula.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Sofoni 2:8

Ma didina mi dala: An hum ngula hi suma Mowap-ma ki lasa hi suma Amon-nid’a ata yima azi nga mbut sum mana zulonina a hle yazi akulo a kal kur leu mazid’a mi na.

Isai 63:13

Ni mam ma djagazi alum ma galileina d’igi akulum ma mi djang hur fulâ bei asem mi dap mi puk kä ba na na na.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Ezekiyel 21:28

Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.

Ezekiyel 22:4

zlad’a nga kang yam mat mang ma ang tchuma. Ang mbut tang ndjendjed’a ki filei ma ang tched’ema. Ni hina ba, ang nga dadak ki burungû, ang nga dap ki biza manga mi. Ni kayam ndata ba, an nga mi mbud’ung vama ngula mandjaf suma dingâ, vama lasa mi suma kur ambasina pet mi.

Ezekiyel 36:7

An Salad’a Ma didina ni dala: An hlabon akulo ni gun tan ala: Gola! Nandjaf suma ding suma a nguyugina ba, a mba mbut zulona!

Ezekiyel 36:14

Kayam ndata, an Salad’a Ma didina nga ni dagiya: Agi mba mud’ugi suma d’uo d’a, agi mba dabagi grona handjaf sum magina woi d’uo mi.

Ezekiyel 36:16

Ma didina mi dan ala:

Joel 2:19

Ma didina mi hulongôzi humba, mi de mi sum mama ala: Gola! An nga ni sunugi gemena, süm guguzlu d’a awilid’a ki mbulâ. Agi mba hobogiya. An mba ni aragi á mbut zulona aduk andjaf suma dingâ d’uo d’a.

Sawal la giled’a 123:3

Ang wami hohowomiya! Ma didina, ang wami hohowomiya, kayam ami ndagamiya wa abo gol la suma a nga golomi isa.

Isai 65:19

An mba ni mbut Jerusalem hur man ma hapma, sum mana ni furî manda mi. A mba hum siwela hi tchina d’oze wulula kurut tuo mi.

Ezekiyel 38:18

Ang Gok, kur bur ma ang mba mba ata suma yam andaga d’a Israel-la á durîna, hurun mba mi zal kang ngola. An Salad’a Ma didina ni de na!

Sofoni 3:15

Ma didina mi ar wa ngop pa mam ngobogi ki d’a woyo, mi hulong wa magi suma djangûna kazigaziya. Ma didina amulâ hi Israel-lîna mi nga adigagiya, agi dok lagi mandara vama tcho d’uo d’a.