Ezekiyel 35:15 - Bible azumeina

¹⁵ Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Ezekiyel 35:15 Referans Kwoze

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Abdiyas 1:15

Kayam burâ hi Ma didinina mi ar go á mbad’a á ka sariyad’a yam andjaf suma pet. Mba mi lagi ni d’igi agi tagi lagi na, sun magid’a mba d’i hulong kagagiya.

Abdiyas 1:12

Agi suma Edom-ma, nga djivid’a agi lagi furîd’a yam b’oziyogi suma Juda-na kur bur ma azi nga kur ndakina d’i, nga djivid’a agi lagi furîd’a ata yima b’laka mba kazina d’oze agi sanagi ad’uzi kur bur ma azi nga kur pupulukina d’uo mi.

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Marik 3:8

Jerusalem, Idume, suma dang alum ma Jurdê-na ki suma kur azì ma ngui Tir ki Sidon-na pet. Azi mbeï gevem kayam azi hum ahle suma mi nga mi lazina.

Ezekiyel 35:9

An mba ni mbud’uk djona ki irak fafat. Sa mba mi kak kur azì mak ma nglona d’uo d’a. Hina wani, ndak mba d’i wala an ni Ma didina.

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Zla d’a d’ogolâ 17:5

Sama nga mi las sama houd’ina, mi ngulî Salam ma luma, sama nga mi san ad’u sama ndaka mba kama, a mba ba bei gad’am mbi.

Ezekiyel 32:29

Gola! Suma Edom-ma kamulei mazina ki mazi suma nglona a nga kua mi. Wani kad’eng mazid’a hina pet pî, a tozozi zlapa ki suma a tchazi avun ayînina, a tozozi zlapa ki suma bei ngat bayâ suma a i kä azuleina.

Ezekiyel 36:1

Ma didina mi dan kua ala: Ang gor sana, ang djok vuna mahuniyô suma Israel-lâ ala: Agi humugi zlad’a hi Ma didinid’a.

Abdiyas 1:1

Wana ni vama Salad’a Ma didina mi ndum mbei mi Abdiyas yam zla d’a mi dat mi suma Edom-mid’a: Ami humumi zlad’a tcholï ata Ma didina; mi sun sana aduk andjaf suma, mi dala: Agi tchologi akulo, ei i ndeï suma Edom-ma durâ.

Ezekiyel 25:6

Salad’a Ma didina mi dala: Agi tchagi abogi agi pirigi akulo agi lagi furîd’a kuruk krovo yam ndaka hi sum man suma Israel-lîd’a, agi golozi is mi.