Ezekiyel 35:13 - Bible azumeina

¹³ Ndak tchol akulo, ndak dan zla d’a tchod’a kur zla mak ka ded’a, ndak zul zla mak ka ded’a kan kä hina wik. An hum zla ndata pet.

Ezekiyel 35:13 Referans Kwoze

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Ezekiyel 35:12

Ndak mba d’i wala an Ma didina ni hum wa ngul la ndak ngul ahuniyô suma Israel-lâ ala a mbut wa hohoud’a, a mbut wa va mei ma ved’a d’a.

Jeremi 29:23

Kayam azi le sun nda tchod’a aduk Israel-lâ, a le mizeuna karopma hi ndrozinina, a de zla d’a ka d’a an hazi nga vuna kat tuo d’a ki simiyênu. An ni we, an ni glangâsâ. An Ma didina ni de na.

Isai 36:20

Aduk alona handjaf sum ndazina pet ma mi sut andaga mamba woi abona nga ba, Ma didina mba mi sut Jerusalem mbei abon ndju?

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

Jude 1:15

á ka sariyad’a yam suma pet, á ve suma tchona ki zlad’a yam sun nda tcho d’a azi lat ata yima a le yam mba ad’enga kAlona ki zla d’a de d’a tcho d’a lara ge pet ta azi dat kamba.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

Malatchi 3:13

Ma didina mi dala: Zla magi d’a agi dandjid’a ni d’a asa’ata. Agi dagi ala: Ami dami ni zla me d’a tchod’a kang nge?

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 37:10

amul ma Juda-na ala: Ar Alo mang ma ang tin hurung kam heîna mi lobong vunang ala an mba ni hle Jerusalem mbuo d’i.

Ma tchi wala 10:14

Ma lilid’a nga mi i avogovok ki zla d’a ded’a. Sana nga mi we vama mi mba avina d’i. Ni nge ba, mba mi dum yam vama mba mi mba blogoma ge?

Wana ni mbaktumba hi Job-pa 35:16

Ni kayam ndata ba, Job nga mi mal vunam mi de zla d’a hawa yayaka, nga mi zul zla d’a bei wat ad’ut ba d’a ni na mi.

Wana ni mbaktumba hi Job-pa 34:37

Nga mi mba ki tcho d’a dinga yam tcho mamba kua kua, nga mi mba ki gigrita adigeya, nga mi zul zlad’a kam kua kam kua á kak djangûna kAlona.

2 Sunda Hamuleinid’a 32:19

A nga de zlad’a yam Alo ma Jerusalem-ma d’igi a nga de zlad’a yam alo ma tetengâ hi suma yam andagad’a ma sana mi lum kaboma na.

2 Sunda Hamuleinid’a 32:15

Ar Ezekiyas mi lobogi vunagi ki zla d’a ded’a hina d’a d’i. Agi tinigi hurugi kam mbi! Kayam alona handjaf ma ding ngoze ma kur leu d’a ding ma ndak á prut sum mama woi abon an kabuyon ngolona mi nga d’i. Hina mi, Alo magina mi ndak á prud’ugi woi abon nduo mi!

2 Amuleina 19:28

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djumad’a avunang mi, an mba ni tanang ni hulongông avo hatang kur lovot ta ang hlad’ïd’a.

Ndumba 14:27

An mba ni ar ablau d’a tcho ndata a gureî kan hina gaga’î mindja ge? An hum gureî d’a Israel-lâ a guruyôt kanda.

Buzuk ka Abud’a 16:12

An hum gureîd’a hi Israel-lîd’a. Ang dazi ala: Ini fladege d’a afata i á nikid’a, agi mba mud’ugi hliuna, avin yorogo agi mba hobogi kavungôna, agi mba wagi ala an ni Ma didina Alo magina.

Jeremi 7:11

Agi gologi gong nga a tchenen kuad’a ni domina hi suma kulina iragi zu? An Ma didina nga ni we na.

Jeremi 48:26

Agi gurud’ugi azì ma Mowap-ma woi ki süma kayam mi hle yam akulo avok Ma didina. Ar mi bulul kä aduk vin mama, ar mi mbut vama sanda hi sumina.

Jeremi 48:42

A mba b’lak suma Mowap-ma woyo. A mba dap pei aduk andjaf suma kayam a hle yazi akulo avok Ma didina.

Ezekiyel 36:3

Kayam ndata, ang djogozi vuna, ang dazi ala: Salad’a Ma didina mi dala: Gagazi, suma a min á b’lagagi woi ata yina pet, á ligigi mi, tala agi mbud’ugi nahlena handjaf suma dingâ agi mbud’ugi ni vama ndala ki vama ngula hi sumina mi d’a.

Ndumba 12:2

Na ni Ma didina mi de ni zlad’a ki Moise tutu zu? Nga mi de zlad’a ki ei mei d’uo zu? Ma didina mi hum zla ndata.

Sawal la giled’a 74:18

Ma didina, ang djib’era! Ma djangûna nga mi ngulungû, andjaf ma lilid’a nga mi panang simiyêngû.

Sawal la giled’a 94:9

Mam ma mi tin humbina, mi ndak á hum mbuo zu? Mam ma mi min irina, mi ndak á we d’uo zu?

Isai 37:27

Suma kuruma ad’engêzi ndak á tchol avorong ngi. A le mandarâ ngola, a mungôr mi. Azi mbut ni d’igi asu ma abageina na, azi mbut ni d’igi asu ma d’uf awilina na, azi ni d’igi asu ma deî yam gongîyona akulo ma so woi bei mi djeng ba na na mi.