Ezekiyel 35:10 - Bible azumeina

¹⁰ Ndak dala: An mba ni hlandjaf ma mbà ma Ma didina mi nga kaka adigazina.

Ezekiyel 35:10 Referans Kwoze

Ezekiyel 36:5

An Salad’a Ma didina ni dala: Gagazi, kur hur ma zal man ma gugulu’â ki yungôr mana an nga ni de zlad’a mandjaf suma dingâ ki suma Edom-ma pet suma a mbut ambas manda mazid’a ki furî mazi d’a kuruzid’a ki gol is mazid’a tala a hurumut ahligiyed’u d’a.

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Ezekiyel 36:2

Salad’a Ma didina mi dala: Magi suma djangûna a de kagi ala: Ahâ! Ahâ! Yima nding ma dedei máma mi mbut wa va meina.

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Sofoni 3:15

Ma didina mi ar wa ngop pa mam ngobogi ki d’a woyo, mi hulong wa magi suma djangûna kazigaziya. Ma didina amulâ hi Israel-lîna mi nga adigagiya, agi dok lagi mandara vama tcho d’uo d’a.

Abdiyas 1:13

Nga djivid’a agi kalagi avo hi sum mana kur bur ma b’laka mba kazina d’i, nga djivid’a agi sogi iragi kazi kur bur ma azi nga kur ndakina d’i, nga djivid’a agi tinigi abogi ata ndjondjoî mazid’a kur bur ma azi nga kur ndakina d’uo mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 31:9

Ma didin ma aku mamba nga kur Siyon ma aku mam mba hîhîka nga kur Jerusalem-ma, mi dala: Amul ma Asiri-na mba mi zlak abo mandarâ, mazi suma nglona a mba ring a ar drapo mazid’a kä woi mi.

Jeremi 49:1

Wana ni zla d’a a dat yam suma Amon-nid’a: Ma didina mi dala: Israel-lâ a nga ki gro d’uo zu? Ma te djo mazi mi nga d’uo zu? Ni kayam me ba, alo ma a yum ala Milkom-ma mi hlandaga d’a Gad-ta ge? Ni kayam me ba, sum mama a kak kur azì mam ma nglona ge?

Sawal la giled’a 76:1

Ni sawal la gile d’a Asaf mi hlat kadingâ mi hat mi ma ngolâ hi suma hle sawalina.

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Amos 1:13

Ma didina mi dala: Suma Amon-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ze hur arop suma Galät-na woi á wul andaga mazid’a avogovogo,

Abdiyas 1:11

Agi tagid’a nga ata yima suma djangûna a kus kazi a i kal avo hatazina, ata yima andjaf ma ding máma mi le togina yam ndjondjoî d’a Jerusalem-mbina, agi lagi d’igi azi na mi.

Ndumba 35:34

Ar agi mbud’ugi ambas sa agi mba kagagi kua d’a an mba ni kak adigagid’a ndjendjed’a d’i, kayam an ni Ma didin ma nga kaka adigagina.

Sawal la giled’a 83:13

Sum ndazina a dala: Ei hlei yima kaka hAlonina.